شوفي لفكرٍ ماحوى ميز عقله = لعقودها مرهيت به يوم حلال
لو زان هرجه مايطابق لفعله = لو خيلته تنبي ملامح لرجّال
ما كل عمله طابقت صرف عمله = ولا كل مانسمع من الهرج ينقال
ياكم مكيالٍ ليا كال طمله = وياكم مكيالٍ لراعيه كيّال
ترى الجمل مايشتكي ثقل حمله = دام الثقال الناس قالوا لها جمال
ماكل واحد للوفا فيه كُمله = درب الوفا لرجال تمشيه لو طال
ناسٍ تعشق الطيب وتلم شمله = ماتفرُقه تكسيه في كل الأحوال
مجلاسهم في عز ورجال صمله =على سمين وبن مع هيل ودلال
والسالفة لاجات ماجات ثمله = ينشط لها السامع وتشرح له البال
عُقال تنقد من عُلومه ممله = اللي يدربيها من الجال للجال
من لا يصف حساب مافاد جمله =ومن لايقود جمال ماهو بجمال
وختامها عداد وبلن وهمله =صلوا على شفيعنا يوم الأهوال

المشاركة الأصلية كتبت بواسطة الحب الباقي (المشاركة 751545) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعودية (المشاركة 751576) ناسٍ تعشق الطيب وتلـم شملـه==ماتفرُقه تكسيه في كـل الأحـوال مجلاسهم في عز ورجال صملـه==على سمين وبن مع هيـل ودلال والسالفة لاجات ماجـات ثملـه==ينشط لها السامع وتشرح له البال ابو محمد صح لسانك مليوون ولا يسدون قصيده جزله من شاعر جزل مشاء الله عليك مشاء الله عليك ياستاذ بخيتان البشري مافيك حيله لاهنت ولا هان حضورك الكريم احترااامي

المشاركة الأصلية كتبت بواسطة ولدحربي (المشاركة 751579) صح لسانك يابو محمد قصيده جزله لاهنت