هزيم الرعد=
سلام فيه الوفا منهـاج=يا ريّس القاف وطروقه
قدام لا تسمع المنتـاج=ما بين عاشق ومعشوقه
برق المعاني=
يامرحبا ما عليك احـراج=ودرب الوفا حسب منطوقه
اسرع من الميج والميراج=واحلى من الشهد في ذوقه
هزيم الرعد=
انا الهوى في خفوقي راج=واجتث قلبي من عروقـه
واصبحت في لجة الأمواج=اراعـي النـو وبروقـه
برق المعاني=
كان الهوى للمعنـى تـاج=راضخ له القلب ويسوقـه
شوف النظر ما يجيب العاج=اللي فسوق الغـلا سوقـه
هزيم الرعد=
بيني وبين الحبيب سياج=زوّد مأسيه مـع شوقـه
واللي ندور له المخـراج=خالي من الصرف وفروقه
برق المعاني=
على كذا الوضع ما يحتاج=بعد استوى الصيف فعذوقه
اما عنه تدحـم الأفـواج=والا تصبر علـى عوقـه

المشاركة الأصلية كتبت بواسطة بحر الهجيني (المشاركة 750604) و لا تصبر على عوقه ابداع صحت الالسن و بيض الله وجيهكم

المشاركة الأصلية كتبت بواسطة راحل عنك (المشاركة 750617) صحت الالسن و بيض الله وجيهكم