|
قصـيدة رثــا ء
قصـيدة رثــا ء بالشيخ محمد بن فاهد الحربي ومتعب الديري وطويلع بن زيد وصالح خصيوي يرحمهم الله
الـــبارحه جـــاني عن الـــنـــوم لافــــوح = ولانـــمـت لــين الصـبح عــمــد بضــــوحــه القائل: مسعد مصيول الزغيبي الحربي من واهجا في داخل القـلب له فــــــــوح = ومـن فــقد نـــــاس اعزهـــم زاد فوحــــــه نـــاس اتخــيل شوفهم وين مـــــــــاروح = واذكرلهــم في درب الاصـلاح روحـــــــــه ويــاالموت لوشاورتني قلت مســــــموح = في موت نـــــــاس وناس مالك سموحـــــه والاطلبتك طول عمــر النبي نـــــــــــوح = لرجال بنيان الوفاء هم صـــروحـــــــــــــه والمجــتمـع مايـنـقصـه موت دلـــــــبوح = ولازاد فيــه الخــيـــر كـــثرت دلــوحـــــــه النقص يــــوم يـموت رجــال طحـــطـوح = الي علـــى العسرات تــــرقا طـــموحــــــه الي مثــــل متــعب وبن زيد وصــــــلوح = وعلي فــرقـــا مــــثلهم بــــه فـــدوحـــــــه من كبرها في خاطري صـــرت مجروح = وايضـا بعــدهـــم زاد قلـــبي جروحـــــــــه فرقا الرفيق الـــي باالاطـــباع مصـلوح = ولاحــد يمــــل مقــــابله مـــن مزوحــــــه ولاعاش بالدنيا على الـــمال مشــــفوح = ويمـــناه بالمـــدات ماهــــي شـــحوحـــــه محمد علــيه بخــاطري جرح وانــــــوح = وياكثــر والله نـــاس مثــــلي تـــنوحـــــــه شيـــخا بفـــعله عند الاجـــواد مــمـدوح = والاالردي ماهـــوبحــالــت امدوحــــــــــه ويوم الحساب وعرض الاعمـال باالوح = يــالله بيــض في حســــانيـــه لوحـــــــــــه وعسى الجــميع بجاه من كون الــروح = كلا تكــــون بجنــــت الخلد روحــــــــــــــه |
صح الله لسانك يا مسعد ورحمة الله عليهم
|
الله يرحم الجميع منهم وشكرا لك وصح الساتك
|
الله يرحم الجميع منهم وشكرا لك وصح الساتك
وشكرا لك على الحضور مع تحيات ابوطلال |
مسعد الزغيبي
صح السانك عزالله انك قصدت ورثيت من يستاهلون الرثا الله يجعل مثواهم جنة نعيم ويتجاوز عنا وعنهم الخطايا وذنوب اكرر واقول صح السانك مليون ولا يسدون شاعر متمكن نتطلع لجديدك |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
اشكر كل من اطلع على القصيده
ووجه لنا شكره ونحن جزا من الجميع ونتقبل جميع الملاحضات ونسعد بتشجيعكم لنا وبيض الله وجيه الجميع وشكراً |
صح لسانك يامسعد الزغيبي والله يرحمهم بواسع رحمته.
|
هلابك اخي الغالي والقدير مسعد الزغيبي وصح لسانك ولاهان شانك قصيدة رائعه وفي رجال رحمة الله عليهم واسكنهم فسيح جناته واكرم نزلهم شكرا لك على هذا الجزاله والابداع بارك الله فيك وادام عليك الصحة والعافيه تقبل تقديري وحترامي |
صح لسانك يابوضيف الله
ورحمهم الله جميعا. اخوك ابوطارق |
الساعة الآن 09:43 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir