|
الله يعينك على بلواك . . مع فواز الزويهري
اتصل بي فواز اليوم العصر . . و سمعني كسرة له . و بعد ما قالها . . قلت له الله يعينك على بلواك و قال وش بعد هذه الدعوة لانه عرف مقصدي و هي من باب المداعبة الاخوية و قلت له . . و يزيد حالك من البلوى . فكملت البيت له و دار هذا اللحن الطريف على الطاير
عبدالعزيز الزويهري= الله يعينك على بلواك= و يزيد حالك من البلوى حتى اذا جيت تبغى دواك = تلقى الدوا قسوته اقوى فواز الزويهري= الله رب الملا يجزاك= بخل جاحد بلا تقوى يقهرك حتى يشل خطاك = و تقعد مكانك و تتشكوى عبدالعزيز الزويهري= الدرب جابك و لا وداك= ما ذقت بعد الصبِر حلوى ما غير تبكي على دنياك= و دموع الاعيان ما تسوى فواز الزويهري= وطّاك حظك و لا علاّك= تعنّي نفسك فيما تهوى تسعى ورى طيف ما يدناك= كل ما تمد الحبل يطوى عبدالعزيز الزويهري= ما اتبع دروبي ورى ممشاك = و يقلب معي الحال للأسوا وانته فـ موطن عضى و أشواك= ما فيه وسط الحشا مأوى فواز الزويهري= لو كان تمشي معي أرفاك = عن درب فيه الشقي يكوى تعبت في النصح مير اغواك = عن دربنا ابليس و الهقوى عبدالعزيز الزويهري= ما دام شكواي من شكواك = ما أشوف ناتج من الفتوى أشوف قلب الشقي بكّاك= و انت تتداري بما سوّى فواز الزويهري= هيا معي مد لي يمناك = و من عذب الايام نتقهوى نمشي سوى و الصفا يهناك = و لولاك ما كان لي رجوى |
عبدالعـزيـز الزويـهـري
ما دام شكواي من شكـواك=ما أشوف ناتج من الفتـوى أشوف قلب الشقـي بكّـاك=و انت تتداري بمـا سـوّى فـــواز الـزويـهـري هيا معي مـد لـي يمنـاك=و من عذب الايـام نتقهـوى نمشي سوى و الصفا يهنـاك=و لولاك ما كان لي رجـوى قمة الابداع بين بدع ورد صحت الالسن ودامت المشاعر الاخوية أسجل إعجابي ومروري لهكذا إبداع |
صحت الالسن و بيض الله وجيهكم
لايستغرب الابداع من اهله |
قمة في كل شي صحت السنتكم وبيض الله وجيهكم دمتم ودام ابداعك
تقديري واحترامي للجميع |
والله ياليتني جنب فواز لاقوله يدعي عليك بصك الطاقه اللي عندك ههههههههههههه
ابداع في ابداع يالزواهره تقبلا تحيتي وتقديري |
لايمكن لأحد ان يستغرب الابداع من اهله بدع ورد رائع ومحاورة في قمة الابداع صح لسانك ولسانه وبيض الله وجهك ووجهه تحياتي |
صحت السنتكم
والله يـعـطـيـكم الـعـافيـــــــــــة بيض الله وجيهكم |
الزواهره خايفين من الحسد والذم اعلى مراتب المدح في منهج المداراه ههههههههههه
صحت السنتكم وبيض الله وجيهكم ويعطيكم العافيه وما باقي الا دمتم بخير وصحة |
الله الله الله صــــــــــــــــحت الســنتكم جميعا بدع ورد ومحاوره قمه في الروعه بدايه شديده وسرعان ماعادت المياه الى مجاريها لاهنتووووو وبيض الله وجيهكم تقديـــــــــــــــري واحترامـــــــــــــي |
عبد العزيز الزويهري فواز الزويهري محاورة رائعة ومميزة بين شعراء مبدعين وممتعين تقبلوا تحياتـــــــــــــــــــــــــــــــــــــــــي |
الساعة الآن 03:42 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir