بديت بسم الله وأرسل تحيه=لهل الوفا والطيب وأهل الحميه
اللي على الهقوات في وقت هيه=وقت الطلب ياكم مره وجدناه
أسمه ترى معروف قبل اذكر أسمه=ورسمه كمثل الحُرّ لابان رسمه
ياحي فاله وحي ذكره وقسمه=هذا ترى خالد بحرفي قصدناه
من بعد مابايّن لنا فراس مرقاب= هلت حروفي وجاني القاف شّباب
ذكرتلي دمعه وطاحت من أهداب = وغنيت في لحنه ورحنا عمدناه
هيا أستمع من قبل نرسل بشكواي = ومن قبل لاترسل تمهل على دواي
وأعلم ترى مازاد همي وبلواي = الآ من اللي جوف صدري دفناه
بأشرح لك الموضوع لو كان بخفيه = عن غيركم والآ انت تعلم وش اعنيه
أمشي معي في رحلة الحرف لاتيه = واللي يتوه ياصاحبي مالقيناه
اللي غدى من شدة الود محروق = كنه فوصط الجمر مأ بين معلوق
ساري فاليل أجهم ولايمنا إشروق = وسهيل .. مابيّن ولا يوم شفناه
كل يوم والصوره تجي عبر الارصاد = خلت قليبي وردة الشمس عباد
تنقاد يم الشمس لو حرها زاد = الورد مايذبل و حنا سقيناه
من موق عيني بدمعي اللي يهلي = وماتلومني لو كنت انت فمحلي
مثل القمر ياسيدي نور خلي = هذا البلآ ياعقاب علقم جرعناه
وافي معي وافي ومرات خاين = صادق معايا وكذبه أمرار باين
يبني ويهدم للقصور المداين = اللي فصدري لجل عينه بنيناه
واليوم بين الشك والظن عايش = بين الرجاء واليأس حذف الدرايش
كني صغير السن بالعقل طايش = ماني صغيّر لاكن القلب طعناه
ماني فدرب العشق بالحيل عشقان = قلبي تورط بالهوى وصرت نشبان
ولاعاد ندري ان كان ظامي وطيان = لنه مهاجر عند منهو عشقناه
وختامها هذا الذي منه نشكيه = من ود جوف القلب والعين تبكيه
وفايز غدى محتار وياكيف نحكيه = أفيدنا باالله فاللي شكيناه

يامرحبا ترحيب ماهو بليه = ترحيب من عيني الى العين ذيه
لهل الوفا والجود والنار حيه = اللي كسب كل المراجل بيمناه
يافايز القاف لجلك نعسمه = نبعد ردي القاف ونمد دسمه
ونختم على مبداه بختام وسمه = مثل الزين يوماً وسمناه
الليل يافايز نبي نطرق الباب = مادام قلبك من هدب عينها ذاب
مادونها مجناب لو راحت رقاب = والسيف لجل الزين حنا حملناه
حنا حمنا السيف والراي باراي = كز الذلول وردها يمنا جاي
ماعاد بعد اليوم لو قيل غزاي = وابشر بعزك يوم حنا نويناه
حنا هدفنا الزين والله يخليه = نبي نجيب الزين بطناب اياديه
لو كان عم الزين واقف يناديه = علماً على أشناب النشاما فرضناه
زين البكار اللي يدفع لها السوق = لوكان في قلبك لها زايد الشوق
معذور ياقلباً على الزين محروق = كم واحداً من عشق خله فقدناه
العشق نار وجمرها دوم وقاد = من حد قلبه على الود حداد
ليله طويل ومادخل عينه رقاد = سهران في رجوى خليلاً تمناه
ياهل الهوى من قال هذا حصلي = يشرب صفا من عّد خله يعلي
ماينفع العشاق يوم التسلي = كيفً من الدله مصفا شربناه
مافاد للعينين لوهي تعاين = ماينفع الآ علم لزين كاين
لاحْتّك من فوق المكاين مكاين = ياما حلآ مشروب عّداً وردناه
أما لقيت البحر بالحيل غايش = من كثره ماناشه من الناس نايش
ولآ طلع مصيون من كل هايش = ياجوهراً مكنون حنا كسبناه
ياطيب ذاك العّد ياالذيب سرحان = ماشام عن ذوقه سلايل كحيلان
كم وحداً يرويه لوكان ضميان = مارود من عصراً سبق مالحقناه
تمت وديناً على النفس توفيه = يامن تبع سنة نبيه وهاديه
في شبت العمر ولآ في تاليه = صلو على منهو في دينه تبعناه