ماهر ابو خالد=
يهل الهوى يالذي تهوون = يامن لكم فالهوى مرجع
هاوي هوانا هوى بفنون = وش ورثه اليوم لو يرجع
الردود من شعار الملتقى=
فواز الزويهري=
له قلب صادق ونون عيون = وصدق النوايا من المطلع
له ذكره الطيب المصيـون = اللي سوات الـروى ينبـع
سالم البشري=
في كل الاقسام يستثنون =فقره على بند مسترجع
ان عاد راعيه يامجنون = هذاالهوى من عنه يقنع
على الزهراني=
ان كان قلبك معه مفتـون = ومازال في القلب متربـع
آرث الهوى تحصله مكنون = وسط الحشا متخذ موقـع
صقر المراقيب=
يالشاعر اللي تعيش شجوون = من قبلك الـود كـم اوجـع
ولو الزمن يرجع المزيـون = في داخل العين له مضجـع
بيان الصمت=
يبدا الهوى للمود ظنـون = وغير الهواجيس ما يسمع
هوان للي هوى مفتـون = ما للذي يكسـره مطمـع
عبدالعزيز الزويهري=
اللي برسم الهوى مفتـون = بغير المواصيل مـا يقنـع
و ما دام في ودكم مرهون =محتاج و اللي يجي ينفـع
همس القوافي=
القلب لاصار بـه مفتـون =وأول غيابه لكـم موجـع
ورثه مع اللي فوسط النون =اللي لهم فالحشـا موقـع

ماشاءالله ابدااااااع في البدع

وابدااااع في الردود

بيض الله وجيهكم وصح الله السنتكم

فعلاً يستمتع القاري ويحتار حتى يختار في درر الكبار

لكم جميعاً تقديري واحترامي

ودمتم ودام ابداعكم

المشاركة الأصلية كتبت بواسطة الحب الباقي (المشاركة 743758) صحت السنتكم والله يـعـطـيـكم الـعـافيـــــــــــة بيض الله وجيهكم