بحرالكسره=
عندي دوا للكبود طيـب = للي شكى من الـم فيهـا
اصل الدوا عندنا مايخيب = جرعه من البحر يكفيها
القريشي الثاني=
عليك طيب النباء لايغيب = هذب حروفـك لقاريهـا
كلمة عسل للكبود تثيب = وماتمنع لسان راعيهـا
بحرالكسره=
قول البحر دوم لتصويب = اسهوم للقلـب يعطيهـا
النجم عن مطلعه مايغيب =وانت حقيقتـك تخفيهـا
القريشي الثاني=
سالم فهمني وسالم ذيب = والذيب يفهم مراميها
تحتاج الاهداف للتدريب = ماكل نبال يرميها
بحر الكسرة=
عجزت تعطي معي وتجيب = الروح لابد نشفيها
الطب نعطيك بترتيب = كبدك ترى الدا معضيها
القريشي الثاني=
جيرت هذرك على اهل الشيب = اللي تثمن معانيها
ولو بانسحب عنك ماهو عيب = عاقل وحاسب تواليها
بحر الكسرة=
من يرمي النفس لتجريب = قيفان يصعب تجاريها
غايب عن الدار كيف ينيب = غابت بالافعال طاريها
صب المعاني لنا تركيب = في بحور ماتشوف عاريها
العقل يحتاجله توضيب = لحيتك بالشيب داريها
القريشي الثاني=
لجل المعاني نغم تطريب = حين الحناجر تغنيها
ماودي اخرج عن التهذيب = وانزل بحرفي لواطيها
العقل بأهل العقول يهيب = حشمه لأهل خبت واديها
لو جيت أبأخذ بثار كليب = يردني عنك قاضيها
بحر الكسرة=
بان الهدف جابك التجليب = صفحتك بالبؤس اطويها
ان كان جيت البحر تهريب = روحك من البحر ارويها
جاك التشنج مع التصليب = الكي ينفع يداويها
خل المعاني لاهل الطيب = بالجود والود نشريها

المشاركة الأصلية كتبت بواسطة الحب الباقي (المشاركة 742165) صحت السنتكم والله يـعـطـيـكم الـعـافيـــــــــــة ومهما تحاورتو انتم اخوان بيض الله وجيهكم