ياصاحبي جمع جميع احسناتك = ماكان منها واللذي رايح ايكون
ثم رجع اللي صادرن معجزاتك = قلبن سرقته بين اياديك مرهون
حلال ذاتي وش يحله لذاتك = بيت شريعه تستحله وقانون
رده ومده لي من مكرماتك = واصبح لك ابطيبن كبر نجد مديون
حتى لو اصعب حاجتن في حياتك = من واحداً يسرق تطلب يد العون
حلالنا وندوره من هباتك = وشلون ياسيد المزايين وشلون
ياللي جاملك فارقن عن خواتك = راهي جمالك ناكبن كل مزيون
حاضر حلاهم ما يعادل شتاتك = مادام عند الناس تفكير وعيون
زينك تبين وانت لابس عباتك = وشلون لو اهل الشرف ما يتغطون
يحتار جزل الوصف بمواصفاتك = لو عد من يوحون وصفه يشوفون
ولو جاب شيءً ما تجيبه مراتك = يحتار واللي شايفينك يعذرون
تفوق فايق ما يحلي حلاتك = ينجن بك صاحين ويفيق مجنون
وسحر نباك وسحر سكر نباتك = له هيئة الفاروق صعبن يفكون
ماسواء احد قبلك بقلبي سواتك = مير الوعد يوم العباد ايتقاضون
في ساعةً والناس ماهم قضاتك = اللي معك لو ملت ضدي يميلون
قاضيك من يعلم خطاك وبراتك = اللي تحت حكمه وتصريفه الكون

[table1="width:95%;"]

المشاركة الأصلية كتبت بواسطة خالد دغيمان القبع (المشاركة 740955) اخوي عامر صح لسانك وفكرك قصيدة رائعة وجميلة وجزلة امتعتنا شعر في هذا النص الشامخ تقبل مروري ولك كل الود

[/table1]

---

المشاركة الأصلية كتبت بواسطة * سلطان الجابري * (المشاركة 740956) [table1="width:95%;"]

عامر الحربي .. صح الله لسانك وبيض الله وجهك