سموالفكر=
اليوم للشعر فيني شـوق=منهو نوى الشعر يتقـدم
البست حلو المعاني طوق=حتى أصبح الحرف يتكلم
تركي البشري=
انا معك نرتقي به فوق = ياسيد الحرف هيا سم
نوصل الى المركز المرموق = خلي الأحاسيس تترجم
سموالفكر=
ياصاحب الذوق والمنطوق = اللي بـه الطيـر يترنـم
بيني وبين الأحبه عـوق = ومشاعر الشوق ما ترحـم
تركي البشري=
أبغاك تهدأ كذا وتروق = وتنور الجانب المُظــلِم
أوجــز لنــا حــالتك ياذوق = قـِـدام للوضع يتأزم
سموالفكر=
بالدمع طرفي غدا محـروق = وعيني اسكبت من هدبها دم
والقلب يشكي آسى مخنوق = ما فـاده الطـب و البلسـم
تركي البشري=
ليل الأمل ينتهي بشروق = لا صرت بمعالجه مُهتم
وقلب العنا لو غدى مسروق = فالود ما قــد خُـفي أعــظــم...!

المشاركة الأصلية كتبت بواسطة المقرح (المشاركة 737658) صح ألسنتكم وبيض الله وجيهكم بدع ورد ولا أروع من ذلك الله يعطيكم العافية رحم الله والديكم