ياشبه وضحاّ مع الحيلان=لاسمعت الصوت يشعاها
ليا صاح نايف يجيها جنان=تزها الوسيمه وتزهاها
في خبة النقع في الميدان=من شافها راح يبراها
وضحاّ تقل قايدة غزلان=مع اول الوضح ممشاها
في وسمها الراكبي عنوان=وسيمةٍ ترهب اعداها
ليا شافها التاجر البطران=قال الملايين تفداها
بحماية المعطي المنّان=عن كل مكروه ياقاها
عليك يارب يارحمن=توفير ماها ومرعاها
واعوذ بالله من الشيطان=نسيت من كنّها إياها
البنت في عالم النسيان=لعيون وضحاّ تحداها
سكرت معها ماني سكران=يوم اعرضت لي على سراها
وغنيت معها وانا طربان=ياللي تباها وتحراها
مع واحة البل توّح وعان=عان القصيدة ومعناها
ماهو تنبي حسن كران=بالغايبة قبل روياها
ماني بخايف ولا طمعان=والناقصة ما توحاها
عيال جازي ولد حيلان=عن الردا تكرم لحاها
ياحي والله هاك الإخوان=يمشون للنوق برضاها
والله ما اقولها من شان=جتني هديه من اغلاها
قال المثل فالكريم معان=والظفر منّجى ولو جاها
والبدو ما ثنوا على مران=يوم المواريد من ماها
هذا وأنا للحقوق مدان=من ادنى القبيله إلى اقصاها
في غيبتي هرجت الجبان=احتاجها منه وألقاها
في ساعةٍ مابها غفران=تقلى المخاليق حماها