اسلم وسلم يا صعوط المجانين=يابن الرجال اللي للمجد ترقا
نعمين لمن قيل يابن الشجيعين=نعمين لمن قيل روق(ن)وبرقا
ابختصرينقال ماشافت العين=وانته فطين ولاعب(ن)كل طرقا
حمرالطواقي ولعوا للغلاوين=والشي من لاشي. ينقال سرقا
امست تهقوى للطويل المساكين=وعلى اكتاف الغيرقامت تمرقا
ماتنبدى حجه بليا براهين=ولجيت من بين السلم اتدرقا
ماينقسم ثلث الثلاثه على ثنين=وثلثين حي وثلث ينقال غرقا
بابحرالخيال اللي غدا بالمسمين=وانته فطين ولاعب(ن)كل طرقا

يامرحبا باللي يسلم ملايين = العود الازرق في قدومه نْحَرْقَا
والنعم فيكم يالرجال العريبين = اصل وفصل في ساحة العز زرقا
ابعترفلك ياحفيد السلاطين = كل الجوارح للمطاريش خرقا
حمر الطواقي مامنعها قوانين = ماحدها سيفٍ ترا الوضع درقا
ماقصّر النايف هروج الوراعين = لو كثّروا في شذبهم دوم ذرقا
ولاينجمع وجع البشر مع سليمين = لين ان من سقمه يعالج ويُرْقَا
خل البحر يطيش موجه براكين = من شان يكشف ماخفا واستعرقا
قلته وانا اعرف مثقلات الموازين = فاهم وعارف من يريدون فرقا
واعيدها والنعم فيكم ملايين = حرابة العايل نهار المْزَرْقَا