احدٍ مع دروب النشاما له دروب = وأحدٍ لقي دربه مع أهل الرخامه
العز له مطلب وراعيه مطلوب = له بين خلق الله رموز وعلامه
اللي بلبسه يحسبه صار مرغوب = المرجله ماهي بلبس و وسامه
المرجله للي له الطيب مصحوب = درب الوفا تاجه ويملك وسامه
دايم ورأيه فالرياجيل محسوب = ليا نطق يعطيك زبدة كلامه
حرٍ وبين الناس نشمي ولهلوب = حشيم ماياطى دروب الهيامه
وراع الرخامة فاللوازيم محجوب= في فاقة ربوعه تردى سهامه
وليّا وعد تذكر معه وعد عرقوب = ماده قريب ولا تعدى الجهامه
العلم شرق وجابته تنحي غروب = في مجلس العقال لف العمامه
هذا الزمن عجبة وعاجب ومعجوب = يالله زبنتك لاتجيني ملامه
استر عبادك واسألك تغفر ذنوب = لاتجعل الدنيا لعبدك مرامه
وياربي استغفرك من ذنب وأتوب = وتجعل لعبدك بالشهادة ختامه
وعلى محمد عد ماحرف مكتوب = صلوا صلاة الله عليه وسلامه

المشاركة الأصلية كتبت بواسطة سعودية (المشاركة 710886) اللهم صلي وسلم على سيدنا محمد استاذ بخيتان البشري صح لسانك مليون ولا يسدون قصيده جزله من شااااااااااعر جزل لا عدمناك ولا عدمنا ابداااعاتك

المشاركة الأصلية كتبت بواسطة الحب الباقي (المشاركة 711018) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة ناهس الشعيفاني (المشاركة 711597) بخيتااان البشري صح لسااانك وبيض الله وجهك على هذه الجزاااله لاهنت يابن العم ونفتخر بمثلك واللي شرواك قصيده تجعلنااا نقف عندهااا كثيرااا لجزالتهااااااا وروعه ابيااتهاااا ننتظر جديدك