ملتقى قبيلة حرب الرسمي - مجاراتي للشاعرين المبدعين/ هندي البقمي وناهس ابن ناحل

أعضاء هذا الصرح الشامخ اضع بين ايديكم ابيات

بسيطه تعبر عن مشاعري تجاه قصائد بعض

الشعراء المتواجدين هنا دون قدح او انتقاص للشعراء الباقين سوا ً في هذا المنتدى او في

الساحه الشعبيه فارجو تقبلها كما هي عل وعسى ان تنال استحسانكم :

ناهس وابو راجح وابو زيد عايض=والاسلمي والاحمـدي والهـواوي
قصيدهم برقن من العـام نايـض=نوضه يبشر بالحقـوق النحـاوي
وينتابني وانا على الجزل هايـض=خصن ليا منه لفى الليل ضـاوي
واسري لهاك اللي به الشعر فايض=الموقع اللـي للجزيـلات حـاوي
واهيم فيـه الا بوقـت الفرايـض=وانسى قصيدي لو قصيدي رهاوي
قصيدهم ما قيـل فيـه النقايـض=ساسه عزاز ولا يجـي للدنـاوي
واللي مكذبنـي يفـل العرايـض=قدم الرجال اللي تحـل الدعـاوي

ملاحظه للتوضيح :
ناهس : هو الشاعر ناهس بن بدر بن ناحل الحربي
ابو راجح : هو الشاعر زيد بن راجح البقمي
ابو زيد عايض : هو الشاعر عايض بن سرحي العتيبي
الاسلمي : هو الشاعر محمد بن علي الاسلمي الشمري
الاحمدي : هو الشاعر احمد بن ناحل الاحمدي الحربي
الهواوي : هو الشاعر علي بن هليل المزيني الحربي

وســــــــــــــــــــلامــــــــــــــتكم

رواد هذ الصرح الشامخ اسعد الله جميع اوقاتكم

يسعدني ويشرفني ان اضع بي ايديكم هذه الابيات

مجاراة لقصيدة الشاعر المبدع هندي بن عبدالله البقمي

اللذي تكرم بها وكرمنا بما جاء بها من ثناء فله منا جزيل الشكر

اتمنا ان يتقبل مني هذه الابيات التي لم تسعفي قافيتها الصعبه على الابحار في اعماقها

يامـن يقـدم للجزالـة عرايـض=في متحف الابداع ينقـا نقـاوي
بالواحد وعشرين كنـه يقايـض=فنٍ تفنن فيـه بحسـاس قـاوي
بالنظم متمكـن وللجـم خايـض=الله يجيره من صـدوف البـلاوي
قافه مع اللي ساد نشره نقايـض=فرق الحجج فرقه وفرق الحجاوي
لو نفترض ضاعت جميع الفرايض=به ريح كمبودي على عود جاوي
هندي بجزله له ربيـع ومقايـض=يطلع على الجزلات طلعة نـداوي
من دافعٍ يشعـاه ماهـو برايـض=ابدع ولبسنا الجديـد الحسـاوي

ناهس بن ناحل

اخواني اعضاء منتدى العود الازرق الادبي

اتشرف بمجاراة قصيدتي كل من الشاعر الكبير / هندي البقمي
والشاعر الكبير / ناهس ابن ناحل
كما لا يفوتني ان اقدم الاعتذار للشعراء الذين وردت اسمائهم في القصيده الاولى
,,,,

احمضت مع هندي وناهس حمايض=يا حلوهـن لمدوريـن الحـلاوي
لذايذٍ مـا لاذ عنهـن غضايـض=احلى من اللي نلقطـه بالصـداوي
حاولـت ادور للشرايـد فوايـض=ولا لقيت وليـت مانـي شفـاوي
قلت ارسل الهاجوس نية مبايـض=يمكن يحصـل للشرايـد مـلاوي
عـود علـي وقـال لاواغمايـض=ما عاد فيها يالهـواوي رجـاوي
وذكرت كاويني بسـود اللحايـض=اللي جمر قلبي بطـرفٍ سهـاوي
تمـت وتفداكـم نفـوسٍ بغايـض=اللي محيط الشعر عنهـم غنـاوي

وسلامتكم
علي هليل الحربي