ليه ياسود الليالي ضلمتك فيها حنين=تبعدين الشوف لنوارن تكاشف ضوها
من لقى غبر السنين ومن لقى روح الجنين=تبتسم لنفاسها لوما تكدر جوها
كل ماشحت شماله لانت اطراف اليمين=غرسة قامت مدامعها تساقا توها
عينها اليمنى كفيف وعينها اليسرى فطين=لاح بارقها على الماضي ودرهم نوها
لاحصل منها جفاف ولابها سمن وسمين=تنفطر صم الصخر من عزمها ياقوها
يكحل النوماس خرسٍ شفها عند الوتين=سوها ياساكنٍ حدب المحاني سوها
من هو اللي حال دونك وانت فل وياسمين=من نواة صلفت الارياء وصحفك طوها
تايه فيها هجيري من قديمات السنين=من على روس الشوامخ تعتزي بسموها
يالها من جوهره والجوهره سدٍ متين=خاطري منها تساقا ودها واحلوها
وانكشف ستر الليالي لين بانت لي يقين=والعصافير بشفقها غردت لجروها