أداعب المحبوب بسلوب هادي=أخاف أنا من كلمتن تجرح شعور
له منزلن مرفوع ماهو بعادي=لو زل بلسانه خطاء قلة مشكور
حبه غمرني مثل سيل (ن) بوادي =سيل( ن) تباشربه هل الذود وقصور
اللي ملكني صار شربي وزادي=ما أطيع عذال الهوى فيه والشور
ولاأسمع لصوت غير صوته ينادي=أفز من دون إستطاعه ومجبور
ولا أقدر ليا نادى بهمسه أمادي=أسير حب في هوى الترف معذور
أم العيون اللي نظرها يشادي =حرن مع الحاكم فريدن ومخبور
واليوم شأن الوضع ولبس الحدادي=والكل صار يحاول اليوم مقهور
عيا عليها شايبن به عنادي=غره من التجار تأجر ومشهور
اللي معه بالفوج وأيضا الجهادي=يعني نوى بيعه ولافيه محذور
أرسلة له قلة إنتبه لانفادي =اللي عطاك أعطيك مدبول في فور
والله ستر من رميتن بالثنادي=بواردين فرغ المشط بنحور
وعاد الفرح والخيل فوقه شدادي=وعادة مجارينا به الورد منثور

المشاركة الأصلية كتبت بواسطة الحب الباقي (المشاركة 697663) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سلطان الفريدي (المشاركة 697682) الله الله الله ياصفق الهوى صح لسانك ولاهنت نص جميل جدا راق لي كثيرا تقبل ودي وتقديري

المشاركة الأصلية كتبت بواسطة سالم الفريدي (المشاركة 699142) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة ابوفياض النويمي (المشاركة 699856) , , , صح لسانك وعلا شانك والله يعطيك العافيه على القصيدة الجزله بيض الله وجهك مع التحيه