قال الحويفي يبدع القاف ويقول = يبدع من الأمثال وجزل القوافي
يالله عسى هرجي مع الناس مقبول = مثل المطر ماهو عجاج وسوافي
وسامكم مثل الذهب صار مصقول = مثل الذهب يغنيك لاجاك كافي
وخلاف ذلك و إسمعوا صامل القول = هرج ً منزه عن كثير الرجافي
أبمدح رجال المراوين وزحول = يوم المغازي والليال العجافي
لاهللوا من فوق ذربات وخيول = مامنهم اللي هو شرود ً وخافي
على العدو شر ً مسلط ومرسول = وممنوع مايطرون قول النكافي
لو كل منهم عارف اليوم مقتول = من عربة ماقيل قدمه يطافي
هم لابتن من حرب وحرب ً على الطول = كله شيوخ ً بالمواقيف تافي
لو كبر حمله حمله اليوم مشيول = تشبه لذود ً درهمت بالفيافي
وحربي مدح ربعه بغيثن وهملول =حربن هلي لوهم بحد الضفافي
ولا أقول أنا هالطيب مخصص ومقلول = كل القبايل به ردي وسنافي
واليوم في خير ونعمه ومكفول = بحكم السعود وكل مي ً وصافي
صقر الجزيره حام في نجد ويجول = فوق الركايب والسيوف الرهافي
خلف صقورا ً بانت اليوم بفعول = هذاك أبو متعب على الشعب ضافي
رحمه على شعبه ولا قال مشغول = رحب بزواره ومن جاه لافي
ندعي عسى سلطان وعكاته تزول = عساه في صحه ودوم متشافي
في عودتك نفرح كما فرحة سيول = مثل الحيا بالأرض وخيرك يشافي
وصلاة ربي عد عرضه مع الطول = على نبياً عد سعي وطوافي

المشاركة الأصلية كتبت بواسطة نداء الغيداني (المشاركة 694889) صح لسانك على هالقصيده العصماء والمراوين يستاهلون بانتظار جديدك الممتع

المشاركة الأصلية كتبت بواسطة الحب الباقي (المشاركة 695011) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة محمد عويض البدراني (المشاركة 695053) صح لسانك على هالقصيده والمراوين يستاهلون

المشاركة الأصلية كتبت بواسطة وليف الشوق (المشاركة 696016) صح السانك وبيض الله وجهك على هذي القصيده الشامخه والجزله