المشاركة الأصلية كتبت بواسطة النويصري (المشاركة 684178) السلام عليكم يامرحبا والضلع ما همه بروق ولا رعد والحر لا شاف السمينه فالسماء ما فاتها والمقابر بطنها مفتوح ولا فيه لحد ولا النفوس الشاحبه ما ندري عن نياتها

المشاركة الأصلية كتبت بواسطة الضلع (المشاركة 684123) يامرحبا باللي حضر ويا مسهلا باللي قعد 000000000000كل العرب تمشي على ما قيل في عاداتها انا اعرف اللي خاينن من قبل لا يعطي وعد 000000000000ويالله دخيلك من صدوف أيامنا ودوراتها

تبقى يا راعي مرحبا يا طير يا طير السعد = كل العرب تجزى على ما قيل في مدّاتها
اللي يخون الناس تال الوقت ما يلقى سند = حسنته عند الناس تتساوى مع سيّاتها

المشاركة الأصلية كتبت بواسطة الضلع (المشاركة 684317) حييت ياحفيد الحجيري وانت من روس البلد 000000000000يالشاعر اللي هاضني قصيدته وبياتها ومن دورالعليا وتعب ياصاحبي والله وجد 000000000000والطيبه بالطيبه تحسب على مداتـــها

الله يديمك يا عريب الجدّ يا واف العهد = يا شاعرٍ تعرف ذياب القوم تعرف شاتها
النايفه من دونها يا صاح ما نقصر جهد = لكنّ هات اللي بصدرك يا عميلي هاتها

المشاركة الأصلية كتبت بواسطة الضلع (المشاركة 684382) ارحب ارحب الضــامي اللي ينشد الــعربان والله ما ورد 00000000000ضاعت خطاه الاوله والزمل وين أخطاتها بعض العرب يمشي بدربن مغلقن يمكن رقد 00000000000وانته عيونك صاحيه وتشوف في طياتها

بعض السحايب مابها ما لو بها برق و رعد = تبرق وترعد مير ما تروي يباس انباتها
اللي عيونه ما تشوف الدرب صايبها رمد = واللي عيونه صاحيه ما تفوتها صيداتها