ربعي احروب وانا من زبيد اليمن

شعر سعد بن جبر الجحدلي

ربعي احروب وانا من زبيد اليمن = لا نصانا ضعـيف البأس تكمل قواه
نلعــــن اليأس ونكــسر يدن الفتن = كم من دور الفــــتنة وحصل عــماه
وكم مظلوم جـــــانا نـــــزبنه لا زبن = وكم مضـيوم جـاء ونرد عنه عــداه
وكم مفتاق يوم ان الليالي قــســن = راجي الخير لا جاء ما نخيّب رجاه
وراعي العز نعزه نحضنه بالحـضن = نرفعـــه ما ندور من وراها جـــزاه
للنشامى ديار الجود حضن وطـــن = وللشـــهامة بيـوت اللي يذري ذراه
المنازل مناصي للضيوف وســكن = واحليل الذي للضيــــــــف حلو نباه
التراحيب يلقـــــاها وهـــــــيل وبن = العوايد عــــوايد بين وجــــــهٍ وجاه
ما خلفنا الوعود ولا الوعود اخلفن = الزبيدي زبيـــــدى خطــوته مشتراه
موقفه في مواقيف العرب ما انثنن = مثل شم الجــــبال الراسية في ثراه
بين كل القبايل والدروب اســـفرن = الاصـــــيل ان بــــــدا كل يبا ملتقاه
****=*****
منهم (الجحدلي) يوم المواخر رسن = حامي البر والبحر الحَمَر من وراه
من زبيد اليمن من حرب ما فيه ضـن=يعرفونه بميقاف الشـرف مـن نصـاه
مكرم الضيف موفي والوفـاء لـه ددن=والعهود الوثيقـة مـن صفـاة الثقـاه
قولة الحق قولـه والـدروب اشهـدن=يكتبـه فعلـه اللـي كـل حـي قـراه
جحدلي الشـــهامة ما توانى وكن = شال حمل الجمال وثبّت الله خـطاه
رافع ٍبيــرق الطوالات في كل فن = راعي الاولات وموقـــــفه مـا ثنــاه
*****=*****
(والصحاف) اللـحاف اللي زبنهم أمن = ومن نصاهم تبشّر نال سعــده وجاه
لو تعد الخصال اف طيبهم ما قضن = مثل بدر التمام المستقر في سماه
شـع نوره على كل القرى والمــــدن = صــــــار ليله نهار وكل عين تراه
الكرم والشرف والجود قولوا لمن = والحمية وفزعات العظام الدهاه
واحترام الرفيق ومن حماه الضعن = واللزم والمواجب من يوفي وفاه
مالها غير مدهال الصحاف ان غدن = عندهم مبتدى الفخر ولهم منتهاه
قوم للكـــايدات من الامور احتمن = احتمن موقــف اللي للمعالي حماه
****=****
(والجداعـــين) والنعمين لا قيل من =سادت الحــرب لا قل المعادي حياه
ذكرهم ان بغـيت الشام والا اليمن =الرجال القـــــروم اللي تحل العضاه
***=****
(والمزاريـــــع )يومن الليالي حكن = عن فعـول الرجال اللي تجيب الحياه
اقراو في تواريخ الـعرب ش حتون = غير مبدا النشامى اللي الشرف محتواه
***=****
(وزنبقي) الفخر نبراس الـ -موافى وقـن = وفي دروب الرجــــولة عالي مستواه
الخصال الحميدة في سماه اعـــتلن = كـن بيض المبــــادي ثوبه اللي زهاه
*****=*****
(ورايقى) المجد مجـــــــد والايادي بنن = ســـلم المجـــــد للي جاء يدور مناه
نبع صافي زلال , من الشـــيم ما اسن = وضلع نايف وشامخ يسـبره من رقاه
***=****
حـــــــرب كيد المعادي قبل هذا الزمن = دوّن الوقـــــت ف الامثـال للي قراه
شيخنا شيخ حـــــرب اللي نهار الفتن = يوم زاغت عيون الوقت واظلم سماه
قام بالعـــــــز يكـــفخ مثل برق المزن = من ســـحابه يهـــل الوذق ويسيل ماه
سال سيله وبحّـــــر والضوامي ارتون = ومكـــرم الضيـــــف ولّم للمسير قراه
هــــــزها بالعــــزايم والصعاب انحنن = شف يعاسيب خيره جات تمشي وراه
جاب الأمان لربوعه وجـــــــاب الامن = وحقق الحـــلم والمقصود تم وقضاه
يوم جاء للإمــام وقال اطـــــــــلب تمن = بيض الله وجهه ما تقـــــاصر خطاه
بن مبيــــــريك يوم إن الدروب اظـلمن = والمعـــنى يفــكر وين يلقى عــــشاه
اشرقــت شمس خيره ومن يدين سخن = وانجــلى الهم يوم الله بأمره جـــلاه
****=*****
وبيض الله وجه اللي جمعــــــنا وسن = سنة العــــز للي ســـــنها الخير جاه
اجتمعنا على العــز والعسل والســمن = دام دار المعــــزة للذي قــــــــد بناه
نعم به يوم نجمات المعزة بدن = بدعوة الاكرميين وغالي اللي دعاه
لم ربعه وكمّل والوجوب اكملن = راعي الواجب الكامل بدربٍ مشاه
صاحب المجد يوم ان المعاني اوقفن = نسل ذرب اليمين وموقفه ما خفاه
بيض الله وجهه شدها ما ارتخن = قال هذا طريق الفخر للي بغاه
***=***
قالها الجحـــدلي ابن جــــبر للعـــــــلن = قـــول واضح فصيحْ لكل منه قـــراه
من ذوي عون كســــــــابة ثناء الحسن = اهــل دين وتقى والصدق ثوب كساه
جـــــدنا عــــــون محيي للرجولة سنن = لا نصته الضوامي صدرت مرتــــواه
ما رســـــت في مراسي بحره الا سفن = تحـــمل اذكار فعــــل للنشامى حماه
اســــال مطــــــير والسلمان عنه وعن =موقـــــف للشهامة والكرم في عطاه
والسمو ح ان قصر قولي وفكري نسن =بعض ما جال في الخــــــاطر ببين خفاه
صدق من يمكم به القـــــــــــلوب امتلن = للنشـــــامى بوّصف موقفي وامعــناه
سامحوني أذا قصرت , من حسن ضن = مثلي يبغى الجماله والقـوافي تعصاه
والخـــــتم بالصلاة على نبي مؤتمــــــن = اذكروا الله وصلوا وتممــوها الصلاه

للاستماع الى القصيدة بصوت الشاعر حمل من هنا

http://up.7cc.com/dldZX258765.rar.html