بخيتان=
سلام فيه الوفا يسري=والكل منا الوفا راعيه
البث للمنتدى حصري=منا هدية لمشتركيـه
علي عيد=
ترحيب يامـن لكـم قـدري=فالقلب عالـي ولانطفيـه
نبغى معـك فالمثـل نسـري=في جو صافي سوى نمشيه
بخيتان=
عسى البقا وقدركم يجري=في دمنا قبـل لا نطريـه
طاب اللحن واستمع لأمري=وافيدنا بعد مـا توحيـه
علي عيد=
أوسع من الكون لك صدري=واللي كماكم أنـا شاريـه
حاسيلك القاف من بـدري=هات الذي منـك متحريـه
بخيتان=
من وين نبدأ لكم مـدري=من حال في خاطري ببديه
الطرف والقلب مع فكري=الكل منهم عليك اشكيـه
علي عيد=
قدام حكمي لكم يجري = لآبد توضيح ماتخفيه
لأدعمت شكواك بنطّري =بعد النظر رأينا نبديه
بخيتان=
الوضع في داخلي مُزري = اللي فقدته ياكيف ارجيه
لفراقهم والصبر مزري = ولا درب يمه يصل ومشيه
أبو عيد=
فوق الصبر هاك من صبري = في حالكم والذي تبكية
وقاد جوف الحشى جمري = مغبون منهو فقد غالية
حكم القدر ما عنه مذري = لا حـان وقت الأجل يا أتيه
راع الصبر يكسب الأجري = وختامها أدعله باريه

المشاركة الأصلية كتبت بواسطة الجرح (المشاركة 665958) لاهنتم وصح الله السنتكم تقبلو التقدير والاحترام وفقكم الله

المشاركة الأصلية كتبت بواسطة الحب الباقي (المشاركة 665959) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة مشعل النويمي (المشاركة 665974) ليس غريب هذا الابداع والتجلي من شاعرين لهما وزنهما صح الله السنتكم وبيض الله وجيهكم تقديري واحترامي للجميع

المشاركة الأصلية كتبت بواسطة فيصل حمود الوافي (المشاركة 666081) صحت السنتكم وبيض الله وجيهكم لكم تقديري