ماعاد بي كتمان والمختفي بان=والقلب خفقاته تهدد حياتي
صبرت صبر(ن) ماصبر مثله انسان=حملت نفسي فوق صبري سكاتي
والراس من طول السهر صابه جنان=ماعاد افرق بين ثوب وعباتي
واصبحت انا مع همي اكثر من اخوان=ملازمن في صحوتي والسباتي
كله بعد فرقاك يابعد من كان=قبلك وبعدك من حسين البناتي
يامالك الوجدان يامسهر اعيان=من ذاب في زينك وحلو الصفاتي
ماتجتمع ملح وحلا وصف لانسان=الا انت مستفرد بها ياغناتي
وصلت في حبك لمرحلة الادمان=وكم عاشق(ن) قبلي من الحب فاتي
وان قلت ابنسى وكن ماكان ماكان=تزورني في حلمي وذكرياتي
وافزلك من حالي النوم ولهان=واصيح باسمك وينكم يامناتي
وتجاوب الحيطان مافيه سكان=واسم(ن) ذكرته ماأظنه بياتي