في ملتقى الاشبال ارحب بالاشبال = وارحب بمن هو لفاهم فالاقبال
ترحيب صافي من هوى البال للبال = على الشرف والعز والطيب والجود
ياحضرة الاشبال ياللي لكم دور = ياللي لكم من فوق نور القمر نور
انتم لماضينا وللحاضر حضور = على الشرف والعز والطيب والجود
نبغ المواهب والمواهب لها صقل = من كل حقل نريد وردة من الحقل
العقل زينة وانتم فقمة العقل = على الشرف والعز والطيب والجود
الشبل من ذاك الاسد ياسدنا = حنا بعد من راح وانتم بعدنا
حنا سندكم وانتم ايضا سندنا = على الشرف والعز والطيب والجود
اقولها وانا بعد شبل ماشبت = ليه هدف نشنت يمة وله صبت
عن الابو والعم والخال انا نبت = على الشرف والعز والطيب والجود
انتم املنا يا املنا هلا فيك = مهما كتبنا فيك ماظن نوفيك
لكن بوصيك الوصاية تكفيك = على الشرف والعز والطيب والجود
انت لنا بكرة وحنا لك اليوم = واعرف ترى لنا بك امال وحلوم
الاسم حربي قرم والابه قروم = على الشرف والعز والطيب والجود
هذا وذكر الله ختام الكلامي = ذكرة وذكر اللي عليه السلامي
وانت سواة النور تجلى الظلامي = على الشرف والعز والطيب والجود