ملتقى قبيلة حرب الرسمي

يسعدني ويشرفني أن أقدم لكم في هذا المنتدى الشامخ هذه القصيده وهي للاخ العزيز الشاعر القدير فهد بن جبر الحويصي الحربي عندما أتاني زياره في البيت ويقول

عند أبن عواض ساس الطيب راع الشاذليه=ذخر قوما في نهار الهيج تخلف بالهقاوي
من بني عمر الحشام أهل المواقبف القويه=رأس من روس الرياسه ينتخى وقت النخاوي
البلاديه مقابيس الوغى وأهل الحميه=عزوة(ن) منها يشيب الرأس في وقت العزاوي
قالها شاعر مطير ولانطقناها كذيه =والرفيق اللي يغط الحق يجلس لايخاوي
والله انا نفتخر في فعلكم ذيك السنيه=بالكلام الصدق لامنه روى التاريخ راوي
ذا وانا من قوم يذكر فعلهم في كل هيه=لااحتمى الميدان ماردهم على العد الرهاوي
من يريد أثبات يلقى اثبات في عدوة كليه=والسويق يخبره بالعلم قدام الدعاوي
ماتخلفنا نهار الحرب عن حرب العصيه=والخطا تبرى بعضها في المواقف بالتساوي
أسلمي ويفتخر في لابته بين البريه=ليه لا والمجد معهم وين مايمسون ضاوي
بعدها ياهاجسي في طرقتك حث المطيه=ولا انا في ديرتي ماني عن الديره نحاوي
جيت أكمل واجب الاصحاب والخطوه جريه=والله أني من قبل عامين بالجيات ناوي
مير حدتنا الضروف اللي لها روحه وجيه=أنتمنى بس ماجتنا الليالي بالمناوي
مابقى الا بيت اقوله في البيان وفالخفيه=كل ماذعذع هوى الغربي على القلب الهواوي
شوفة أهل العرف والاجواد والناس الوفيه=أشهدانهاياجماعه تشرح الصدر الشقاوي

ورديت عليه

ماعليكم زود ياذخر الرجال الصيرفيه= نعم فيكم في نهار الهوش موردة الاهاوي
والوفا والطيب فيكم من عصور الجاهليه=مكرمين الجار والضيفان مزبان الجلاوي
من زبيد أهل القنا والسيف وأهل البندقيه=مرشدين العايل اللي عن طريق الحق غاوي
والعلوم الغانمه في حرب عادات وسجيه=كل حربي يكسب الناموس للطاله رهاوي
لو بحدد فعلهم بكتابتي تعبت يديه=مايحدده الكتاب ولاتحدده الحكاوي
ياهلا يامرحبا ياضيفنا منا تحيه=عد ماهل الخيال وربع الشعب السناوي
وعد ماسارت خطاتك من ديارك لاهنيه=التحيه من صميم الروح معها عود جاوي
جيتك ياصاحبي يابن جبر تشريف ليه=عندي أغلى من كنوز الارض يالحر النداوي
وحضرة اهل الطيب والمعروف لها قابليه= من فقد خوة رجال المعرفه ماهو غناوي
لو ملك برج العرب والمملكه والفيصليه=والله أنه مثل من هو صاح في دار خلاوي