|
(((((> ياناس حظ البلا جاب العنا ليه <)))))
اسعد الله صباح الجميع بوقت الصبح واسعد الله مسا الجميع بوقت المسا قمت اقلب باوراقي ولقيتلي قصيده قديمه وضحكتني وحبيت اطلعكم عليها وهي بعنوان تعاست الحظ يومن بعض الناس يشتكي من حظه تقول القصيده مو انا الي يقول تقول والعهده على الراوي ^ ^ ^
ياناس حظ البلى جاب العنى ليه = قعد يحوش المصايب ولي يجلبها ^حظن لعيناً وفيه النفس مبليه = من كثر شره تبلوى النفس وتعبها لواني اصيد ظبياً انقلب حيه = احلى الليالي ايلا مرت يخربها شره بلاني وذبحني نعنبو حيه = وش ذنب هالنفس يوم انه يعاقبها لو تعمل الخير يقلب خيرها سيه = ايامها البيض حالف ماتصاحبها ياناس وش حيلتي كيف اقلب الطيه = واطا على راس راس اللي مخربها وعيش عيشه هنيه وسكن الفيه = والعن ابو حي خشم اللي معذبها ورتاح من كل هالروحات والجيه = ومتع النفس مع تالي حبايبها ونسى كثير العنى اوما جراليه = ونفس تسعد وتلقى مأ يطربها وصلاة ربي عدد ماهب غربيه = على شفيع الخلايق عند طالبها ^ اتمنا انها تكون خفيفه على من تصفحها وتمنا للجميع الصحه والعافيه اخوكم (( فتى ديم )) |
الله الله الله
صح السانك والله يوفقنا وياك والسامع 0 والقاري الا مايحبه الله 000 تقبل تحياتي |
اخوي سعد اسعد الله ايامك نشكرك على هالرد الرايع يارايع تحياتي لك وللجميع
|
فتى ديم
صح السانك قصيده جميله ومعبره ولي ملاحضه بسيطه واتمنا انك تقبل الملاحضه بصدر رحب حظن لعيناً وفيـه النفـس مبليـه نعنبـو حيـه العن الطرد والابعاد من رحمة الله يا حبذا لو تتجنب مثل هذه العبارات وتقبل تحياتي |
اعتز بملاحضاتك ولاكن هاذي قصيده ايام الشباب ونت خبر اليام الشباب كلش ايزي عند الشباب
وربك ان شاء الله يتجاوز عن الخطايا وبن ادم كله خطايا ولايفوتني اشكرك على تنسيق القصيده وقول [
ملاحضاتك على عيني وعلى راسي = يابن عتيق الحنيني يوم تكتبها
|
اشكرك وهنيك
على رحابت صدرك الذي يفتقدها الكثير والله يتجاوز عنا وعنك وعن كل مسلم الخطايا والذنوب وصح السانك |
فتى ديم صح لسانك قصيدة في منتهى الروعه
|
|
الساعة الآن 09:51 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
