سلام من قلب يكن الموده=للملتقى واللي على الملتقى مرّ
بدر المزيني من هجوس تحده=سجل من الخافق ونادى وعبّرّ

يامرحبا رده عن الفين رده =رديتن تمشي قدم ماتوخر
مدام راسك مايريد المخده=اصبر شوي اجيب شاهي مخدر

دام البقاء ياصاحب جاب جِده=واللي يورد علم لازم يصدرّ
أشرب على كيفك وزله ورده=ولافيه تجنيبه عن اللي مقدرّ

لن كان عندك علم بالحال عده=ماني بقايلك تذكر تذكر
ابشربه من كف يمينن تمده=ولاانت جوك يمكن انه معكر

حتى ايش لوعديت عداه حده=وقتٍ يضم اللي نقه بالمجدر
ماقول فيك قصورقامه وشده=ويمكن ليا حاولت جمّعت ندّر

ياضيف قولك مرتخي لو تشده=بعطيك فرصه وحده وانت فكر
مدري تعرف البحر جزره ومده=والا تعرف البحر لامن تفجر