ملتقى قبيلة حرب الرسمي - مصيبه تقلد مشيت الثعلب المكار

تركي الشيخ

هلا مرحبا في مجلس الشعر والشعار = والاحداث مكتوبه والاصوات مسموعه
يابدر العريمه شب نارك واشب والنار = وركز بعلم الشيخ تركي وموضوعه

بدر العريمه

يدوم البقاء بك وانت واحد من الاحرار = بعد ماحضرنا والمكاتيب مطبوعه
تبى تبشر بعلما بعيدا" عن الاشرار = وعطنا علومك واستمع كل مشروعه

تركي الشيخ

والا يابدر ماودنا نكشف الاسرار = ولو نكشف الاسرار سويت موسوعه
مانرضى الخطا والسالفه تلفت الانظار = ورى القافله تمشي ثلاثين مجموعه

بدر العريمه

انا خابرك ياصاحبي ماتصون الجار = لكن العدو نمشيه ماهو على طوعه
انا ماعليه من يحرف مع الاذكار = مايمشي خلاف القافله غير جربوعه

تركي الشيخ

تراك انت لاجاري والا انته بصاحب دار = مانسمع لرجلٍ ماعرف كوعه وبوعه
يابدر العريمه من جهتكم ايثور اغبار = وكم واحدن من يمكم هلت ادموعه

بدر العريمه

انا اقول ذي نعمه ولا اجاور الغدار = عسا دايمه ماتنفح يمنا سموعه
انا بن العريمه كم من عج ثار وثار = وكم ورع قوم يتمو قومي ربوعه

تركي الشيخ

مصيبه تقلد مشيت الثعلب المكار = وصارت اطبوعك ماتفرق من اطبوعه
كفو والعريمه منزله بين نار وغار = بعد جيت له قلبه بغى يكسر اضلوعه

بدر العريمه

انا مشيتي وحده ولون وقتي جار = يفكرله بمشروع لاعاد مشروعه
ذكي الفتى ياقوم لامن نوى مشوار=يلفزبها منا وهي قدم مفروعه

تركي الشيخ

تحمل وانا احملك بالحمل والاسفار = لعل الرجاوي فيك ماهيب مقطوعه
تبى العلم لاتلبس ثيابٍ بدون ازرار = وثوبك نبى نعطيك ثوبٍ مثل نوعه

بدر العريمه

وسيع المعارف ماتلفت لخشم الفار = ترا الفار لامن جاع قام ولطم جوعه
تبى العلم لاتركض بعلما" بدون اشوار = اثر شيخنا خياط يامكثر رقوعه

تركي الشيخ

نزعلك وانرضيك ياإمكرم الخطار = لكن انتبه!! بعض السواليف ممنوعه
اثركم على ماقيل عامر مثل عمار = تبون الطمع ياقوم والقوم مطموعه

بدر العريمه

تبى تمشي المخلوق فامرك على ماصار =وعينك مع ضروسك امن الوقت مقلوعه
حديدك تطقه بارد الجو ماهو حار = وانا لالقيت الاجودي ماطفي شموعه

تركي الشيخ

ياتاجر علامك ضعت مع زحمة التجار = بضاعتك مشريه بضاعتك مبيوعه
نويت اعطي القصمان ياحرب كرت انذار = علشان ماتحدث نزاعات منزوعه

بدر العريمه

تضيعني الصدقه على بعض خلق البار =واضنك تتبعلك مخاليق متبوعه
ليامن عطيت الناس يرجع عطاك اقرار = ولازمك مثنيه ولازمك مربوعه