محاورة ناريه بين بن شايق وصياف رحمه الله (صوت وكتابه )
السلام عليكم ورحمة الله وبركاته
أقدم لكم محاورة نادره حصلت في عام 1412هـ / 1991م بين الشاعرين صياف الحربي يرحمه الله وعبدالله بن شايق وكان الحضور مطلق الثبيتي ومستور العصيمي وهادي إبن حفيش عبدالله بن شايق :
سلام الله سلامن لو رميته فالبحر ما غاص = سلامي لو أحطه تحت حر الشمس ماماعي أنا أحب الغلا وأهل الغلا ولا الرخاص إرخاص = وأنا ذا الليل في سوق الغلا شاري وبياعي صياف الحربي رحمه الله :
هلا يامــــــرحبا ترحيبتن يرقصـــلها الرقاص = مثبت شــــاتها لو أكــــــثر العـــربان يرتاعي سمعت الذيب يوم إنه عوا من بندق القناص = يــــــدور للرعيه والرعـــــــيه دونها الراعي عبدالله بن شايق :
كلامك صح يا صياف وأنت الفارس إبن الهاص = يعلمني زماني والرجال أشكال وأنواعي أنا ماجيت ياصياف أبي لمنشاب والمخلاص = أنا عنـــــــدي علوم مقبله والسيف قطاعي صياف الحربي رحمه الله :
عيون أهل البلد وحده بوحده والجروح إقصاص = ياطيب التاجر اللي يعطي الصاعين بالصاعي ياقشر الكورة اللي شاتها ماجد علـى بصاص = بغت تطلع هدف ركني لـو إن القـول ماضاعي عبدالله بن شايق :
أنا ماودي أسميك راع الفصفص الفصفاص = أبيها صوب ذاك اللي عظامه تقرع إقراعي ألا ياحيرتي يافكرتي فالحصني الحواص = أنا عــــــندي ثقه غير الثــــعل ماكر وخداعي صياف الحربي رحمه الله :
ترى ماكل جره يافقيه يقـــــــصها القصاص = وأنا لا شفـــــــت جم البير أتل الدلو بذراعي بغيت تهد راس الضلع بالمسحاه والمفراص = لاكن الضلـــع مالك به لامصياف ولا مرباعي عبدالله بن شايق :
............. تحدي لو وقف جمبك ثمان أشخاص = ترا كثــــــر الدعاوي ياصحيبي مالها داعي من أول تدعي يامطوع بالدين والإخلاص = لاكن الله كشـــــفلي غايتك ياشين الأطباعي صياف الحربي رحمه الله :
ليا جمعتهم سبعه وخمسين أركبوا فالباص = وحدوه على وادي جنه والسيف لماعي عباد الله تملص وأنت منته شاعر ملاص = تشيل الخيزرانه فوق ثم إتكسر القاعي عبدالله بن شايق :
ياكبر اللقمه اللي كلتها يالشايب الغصاص = تدور للطمع ماتدري إن فالدار طماعي لو إن الحب عندي كان لقمتك ثلاث أقراص = لاكن الزرع في دارك وأنا ماني بزراعي صياف الحربي رحمه الله :
عطوني تمرة الأفلاج وأنت أعطوك تمر إخلاص = وقول الحمد لله بعد ماصلحت الأوضاعي ألا ياكثر خرصك في أثرك الماكر الخراص = لو إنك ذيب تعوي للعرب في روس الأرياعي عبدالله بن شايق :
أثرك الموتر اللي يمسك السكه بليا شاص = عطاك الغرب من سنة وراسك ماله إنخاعي علي إشهود يوم إني حمصتك وانته الحماص = وأنا خابرك ياصياف سبع ومثلك إسباعي صياف الحربي رحمه الله :
رزقك الله بموتر وأنقلب مع لفة الحبحاص = ولا حصلت منك إلا الخشيم وروس الأصباعي أنا منقص حقوق أهل البلاد ولا أقبل النقاص = لاكن لا زعلت أحط رمحي بين الأضلاعي عبدالله بن شايق :
عليك الله أكبر يا جمل تطمر بدون إعراص = أنا بنشدك عن جمس جديد تو مافاعي للإستماع :لو إنك تدخل التحقيق جتك الكهربه والماص = .......................................................... http://www.youtube.com/watch?v=Q1INaFJiVh4 |
ابو حرب تسلم والله يعطيك العافية ومن عوايدك العلوم الطيبه وتقديم كل ماهو مفيد والله يرحم صياف شاعر الخليج ومحاورة في غاية الروعه
|
يا الربع ركزوا معي انا أعتقد اللي مع صياف مطلق الثبيتي رحمة الله عليه ماهو بن شائق عطونا رائكم حنا بنتظاركم
|
الله يعافيك يالبدراني واللي مع صياف بن شايق والشريط عندي
|
الله يرحم شاعر الخليج/ صياف الحربي ويسكنه جنات النعيم
بيض الله وجهك |
[rainbow]الله يرحم شاعر الخليج/ صياف الحربي ويسكنه جنات النعيم بيض الله وجهك[/rainbow] |
يا ابو حرب والله بن شايق ماهو داخل راسي انا مصمل أن اللي مع صياف بن مطلق لكن الربع ماعطونا رائهم اما معي والا معك حنا في انتظارهم
|
شكرا لمروركم
الأخ محمد عويض أقلك للمره الثانيه هههههه أن هذا بن شايق ومتاكد مليون فالميه وكان تبي الحفه كامله أنزلها لك |
الله يعطيك العافية يابو حرب
|
الله يرحم شاعر الخليج
الله يعطيك الف عافيه أبوحرب على النقل الرائع محمد البدراني اللي مع صياف ابن شايق وركز بالصوت |
الساعة الآن 06:49 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir