|
قصيدة في منقية الطهيمي نخبة النخبة
أنا كيف أصخّر من جديد المعاني طِرق
أنا كيف أصخّر من جديد المعاني طِرق = على شان وصف البل على عاتيٍ طرقا سرقني هواها في كنين الضماير سرق = تمركز على باب الحشا يسرقه سرقا جذبني هوى شقحٍ تجوب الفيافي شرق = كما متون مزنٍ يرهج الدبدبة شرقا تحرق القلوب المبغضة بالمحافل حرق = ياكم من كبودٍ من سبب فوزها حرقا خزايز شريفٍ كن إذراها شعايل برق = كما روس غرٍّ رف بنحورها برقا ملكها الطهيمي وحتماها بشلفٍ زِرق = ثنا دونها بمزرّجٍ حدها زرقا وكم نوّ سحبٍ بالوسيعة غرقها غرق = شرايد خشاش الأرض في سيلها غرقا ذعرها الخلاء وصبح زهر نبتها به فرق = بها عن سواها يااهل المعرفة فرقا نزلها الطهيمي مابها غير صوت الورق = وعذبٍ على ريح النفل تعزفه ورقا رعاها بوضحٍ كالبرد مادرقها درق = ولا يدرق الحربي هوى خاطره درقا وكم مهراجانٍ بالوطن يطرقنّه طَرق = حضورٍ جموعه تطرق المحتفل طرقا خذن نخبة النخبة على أهل المزاين زَرق = وعاداتنا رمح الظفر نزرقه زَرقا نافع الحربي |
صح لسانك يابن العم
والشيخ عليان يستاهل والله يبارك له في ماله وحلاله |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
حمود الغيداني هلابك وصح بدنك اشكرك على مرورك العطر لقد سرني واسعدني تواجدك في متصفحي لاهنت |
اقتباس:
الحب الباقي هلابك وصح بدنك اشكرك على مرورك العطر لقد سرني واسعدني ذلك لاهنت |
صح لسان يابو بدر ياشاعر الجزاله ولاهي غريبه عليك مبدع في كل الاحوال وموضوع القصيده مفخره لكل حربي
ومشكور وبارك الله فيك واستاذنكفي اضافتها لموضوع موجود في ملتقى رجال من قبيلة حرب والموضوع في ابل الشيخ الطهيمي 0 وتقبل التحيه والتقدير 0 |
اقتباس:
هلابك يابو احمد وصح بدنك اشكرك جزيل الشكر يابن العم لقد اسعدني وسرني حضورك وتعليقك الراقي الله لا يهينك وأنا والشعر فدوة لك يابو احمد خذ اللي يعجبك ولا تستأذن . لك مني التقدير والآحترام يابو احمد |
صح لسانك يابو بدر وبيض الل وجهك والشيخ عليان الطهيمي كفو ويستاهل هالشامخه وناموس الطيب ينومس الجميع وهذا مافعل الطهيمي وهو مفخره للقبيله كلها هو وكل جزل شرواك وشروا ابو فواز - وتقبل مني صادق ودي وتقديري لشخصك العزيز
|
|
صح لسانك وعلا شانك
دمت بحفظ الرحمن |
الساعة الآن 04:35 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
