|
محاورة مع الشاعر عبود ( خايلتلي نجم متعلّي )
السلام عليكم
هذه محاورة دارت بيني وبين اخي وصديقي عبود اتمنى ان تحوز على رضاكم واستحسانكم
هزيم الرعد= خايلتلـي نجـم متعلّـي=في تالي الليل مطلاعـه بين المصابيـح متجلّـي=يخطف لك القلب بإشعاعه عبود= نجم السعد فوق يا خلّي=فوق المخاليق مرباعه مثل البدر مكتمل كلّـي=وان هل يبديلك اطباعه هزيم الرعد= خايف عن العين لا يولّي=وبعض العرب فيه ملتاعه والقلب محتار وسط اللي=ما بين شـاري وبياعـه عبود= لا تخاف وان غاب بيهلّي=ما دام طاريـه لسّاعـه واللي له القلب متولّـي=محجوز ما بين اضلاعه هزيم الرعد= رايع وبالـذوق متحلّـي=ليت الهوى لامس اسماعه في اول الجيش ومصلّـي=كان الوصل مرخي شراعه عبود= من يقنع النفس ويسلّي=يلزم ترى ترفع اوضاعه ليته مع الوقت يحصلّي=وآعيش جو الهنا ساعه هزيم الرعد= سيطر على القلب واحتلّي=والطرف سر الهوى شاعه ارسل بالأشواق ! يرسلّي=الود ماني مـن اتباعـه عبود= شاورت فيه العقل قلّي=واللي عرفته منه ذاعه ان كان لا زال متغلّـي=انساه تسلم من اوجاعه |
الله000الله هزيم × عبود محاورة قمة فالمعنى والمغنى ابدعتما ايما إبداع اصح الله لسانيكما وادام عزكما |
شرفني مرورك يا ابو محمد
مشكور يا الغالي ووجودك مكسب لهذه الصفحة لا عدمناك |
يسلااااااام يسلااااااااااام
جميل جميل مانقلته لنا صحت الالسن |
مرورك اجمل واطيب يا ابو مبارك
اشكرك وصح بدنك يا الغالي |
اذا جا الابداع من اهله لايستغرب
ابو سلمان - ابو عبدالله ابداع في المحاوره من شعرا عمالقه في فن الكسره لكم تقديري واحترامي تسلمون ياغالين تحياتي |
هزيم الرعد = عبود -- قمة محاورة تعدت الحدود بجمالها ومعناها صح الله السنتكم وادام على العز بيانكم
تقديري واحترامي للجميع |
صح الله السنتكم
شعار ما فيكم حيله تقبلوا مروري ودمتم |
محاورة جميلة
صحت السنتكم |
خايلتلـي نجـم متعلّـي ... في تالي الليـل مطلاعـه
بين المصابيـح متجلّـي .. يخطف لك القلب بإشعاعه المطلع بطراااااااااان و على مستوى عالي هزيم الرعد .. عبود يا سلااااااااااام عليكم . سلمتم و صحت السنتكم و بيض الله وجيهكم لحن راقي و جميل . اسجل اعجابي بما سطرتم و الله يعطيكم العافية |
الساعة الآن 10:22 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir