قابل البشري=
ليل الصفا ماانتهى لساع=دوبه بدا عندنا دوبه
نبغى مثل يطرب الأسماع=محكوم قافه مع اسلوبه
أحمد الزايدي=
قابل شرع فالبحر بشراع=شاعر قوي يتقن دروبه
سافر ولابد له مرجاع=واقدار الاسفار مكتوبه
قابل البشري=
اللي عرف دربها ماضاع=يمشي بخطوات محسوبه
انظر معي قلبي الملتاع=اللي به النار مشبوبه
أحمد الزايدي=
جواب في غاية الإسراع=وكلٍ بشفّه ومطلوبه
والحرف بافكارنا ينصاع=وكلٍ محاسب على ذنوبه
قابل البشري=
طعت الهوى والهوى ماطاع=ولاراق لي يوم مشروبه
عطني جوابك عليه اجماع=ان كان برمجت حاسوبه
أحمد الزايدي=
ركّز حصون الغلا بدفاع=للشوق نوبه ولك نوبه
وان كان سر الهوى ماشاع=لاتقول دعواك مشطوبه
قابل البشري=
قلبي وفي لاشرى ماباع=لكن الاوضاع مقلوبه
شربت منها المرار انواع=عطني هدف باتجه صوبه
أحمد الزايدي=
اصبر وصابر ولاترتاع=كلٍ شكى فقد محبوبه
وان كان في خافقك نزّاع=سيب الهوى واعلن التوبه