بخيتان =
سلام يمشي على قـدام = دايم وهو ريوسه مفصول
بأهل الوفا للوفا مقـدام = دليل واضح وله مدلـول
ابوذياب =
يامرحبـا وبيننـا رد دام = ولو غبت ذكرك لنا محلول
وافي وعزك لنـا سنـدام = شرواك ياسيف يا مسلـول
بخيتان=
عسى البقا والرجال حشـام = تلحـف اقوالهـا بفـعـول
انته وأنا أصحاب مانا أخصام = نبى انتخاوى فـدرب يطـول
ابوذياب =
جتني معانيك ياضرغام = يامروض الحرف يالاول
ولأن هات المعاني نظام = نبحر برسم المثل والقول
بخيتان =
أختار منـا أميـر إمـام = يمكن نصل عالم المجهول
لاشك تعرف هدفنا هـام = ومخاطره للعقول تهـول
ابوذياب =
أيام فـي دربنـا أحكـام = و أكيد الأسباب تلعب قول
والأن يامترجم الأعـلام = عطنا وحنا نجيب حلـول
بخيتان =
أختار لا تطري الأيـام = بعدين في أمرها بنجول
قدام ناقع سوى فخصام = لابد واحد يجي مسـؤل
ابوذياب =
حشمة جنابك نقوم قيـام = بالفكر والحل بالمعقـول
وانا معاك فساحة الأعدام = والجد بنعلاَجه بصمول
بخيتان =
الآن ملزم معي إلـزام = وتنفذ اللي عليه اقول
مابين جنة ودنيا حطام = تفجير سيارة المسؤل
ابوذياب =
نمشي ولو طاحـت الأقـدام = ونسعى على وضعنا المغلول
أرهـاب ياشينهـم إجـرام = ماشين في دينهم بنزول
ويصحابنا سامحونا=

المشاركة الأصلية كتبت بواسطة مشعل النويمي (المشاركة 621521) الله الله يامحاورة رائعة من شاعرين رائعين صحت السنتكم وادام على العز بيانكم تقديري واحترامي للجميع

المشاركة الأصلية كتبت بواسطة فيصل حمود الوافي (المشاركة 621570) صحت السنتكم وبيض الله وجيهكم لكم تقديري

المشاركة الأصلية كتبت بواسطة الحب الباقي (المشاركة 621578) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ابومبارك اليوبي (المشاركة 621584) الله الله الله صحت السنتكم يا اخوان محاوره رائعه اسجل اعجابي وبيض الله وجهك على نقلها لنا