ملتقى قبيلة حرب الرسمي - قصيدة رائعة من ارض المعركة للشاعر سالم السامود المخلفي

بسم الله الرحمن الرحيم

من أرض المعركة من حدودنا الجنوبية للشعر كلمة ترسم شخصية البطل المسلم السعودي الذي يفدي بروحه

من أجل دينه ومليكه وطنه ، فيعلن التضيحة ويجدد العهد ويعد بالنصر بإذن الله .

هذه قصيدة رائعة أبدع أبياتها الشاعر الكبير سالم بن ضعيان السامود وهو في أرض المعركة ومعترك الأحداث

من هناك يقول :

حنا على الـرب الكريـم اعتمدنـا=نركز رجانـا والامـل فيـه يـزداد
اللي خلقنـا مـن عـدم ونوجدنـا=وحنـا لخالقنـا عبيـدن وعـبـاد
حنا جنـود الجيـش قـوة بلدنـا=على الجهات الاربعه جنـد وعتـاد
تبشـري يادارنـا فــي سعـدنـا=لولعـت للمعركـه نـار وزنــاد
اليا شكيتـي مـن عـدو مارقدنـا=نصبحه بالصبـح والليـل مهجـاد
واليـا عتزينـا للمنيـه وردنــا=بارواحنا نارد على المـوت ميـراد
حنا هـل التوحيـد نوفـي وعدنـا=حمايـت التالـي طحاطيـح الاولاد
نمـوت والله ماتغـيـر عهـدنـا=عهدن لبو متعب على روس الاشهاد
عليه نوصي جيلنـا اللـي بعدنـا=مثل ماوصونا على العهـد الاجـداد
وسلطـان ابوخالـد ذرانـا سندنـا=اليا كشر وجه الزمن ونتهـا المـاد
على سما العليـا بضفـه صعدنـا=للشعب غيث وللعـدا سـم الاكبـاد
يحسب حسابه عند الاقصى والادنـا=له صفقتن من وقعت فيـه ماعـاد
وختامهـا ماهمنـا مـن حسدنـا=حنا هنا صـد الارهابـي واللاحـاد

الشاعر سالم بن ضعيان السامود الحربي