|
البحـــر الـحــمـــر مـــلــــح كله أجــــاجــي ( وجدانية )
السلام عليكم ورحمة الله وبركاته أسعد الله أوقاتكم بكل خير
يالله ياخلاق يامصرف الكون=يامدبر الأفلاك بالكاف والنون عبدك مقر وماضي بحكم مسنون=يستغفرك يارب من كل الآثام دنت هجوسي بالمثايل والأفكار=في هجعة النومان في وقت الأذكار قمت ألتجي بالرب في كل ماصار=وعبد يناجي رب الأرباب مايضام لديت عيني فالثياب الستيره=واتبدلت من ضافيات لقصيره قالت معاذيري ظروفي عسيره= وأنته نعدك من رياجيل فهام الوقت هذا نداري الناس بحساس=ماودنا نشبك سلوك الرضى بماس انسايس المجنون ونقول لا باس=ونغير الأحكام بأحكام وأحكام رديت ماني من رياجيل يرضون=بالدون راع الدون منزاله الهون أنا الذي يمشي على حسب قانون=مايختلف رسمه وله نهج واحكام وإليا اعترضلي خبل ماني مجاريه =والجاهل أبعد عن مجاله واداريه وإليا نصاني عاقل بزور اداويه =وآخر دوى بالكي في شرع الإسلام ياقلبي ياللي صرت وسط المحاميس=لايهمك أصحاب الردى صحبة ابليس أنته مكانك فوق راعي نواميس=أدراك عن هرج المتاعيس الأقزام ساسك مجود جودوه الجدودي=أهل النقا والطيب حرش الزنودي تاريخيهم معروف مابه جحودي =محد حجب شمس الضحى بروس الأقلام هذا زمان شفت فيه العجايب =طير الحمام يصيد صقر النوايب حتى غدا راسي من العلم شايب =من عاش يجرب كيف تقليب الأيام اعطتني الدنيا دروس وبصيره=والعسر له يسرين خير وخيره ومحال تصبح عين دايم قريره =بين الفرح والحزن نرقى للأعلام من يامن الدنيا تراها تغره =ابها تعشى اليوم ويجوع بكره والمنكسر يمشي ليا شد جبره =واللي بنى بيته في مسيال ينلام ماينفعه كثر المدايح بتطبيل =قالوله أنته شيخ ..شيخ المهابيل حتى غدا غرقان في زومة السيل =ومحد ترحمله ليا طاح ما قام أحفطك ياراسي عن اللي يعيبك =مانته هدف مرصود كل يصيبك ولاحد يوديك بعلوم ويجيبك =مثل الجبل معروف فاليمن والشام دايم مقدم فالعلوم الكريمه=اللي سوايرها سواير سليمه لجلك مع ربوعك في وزعه وشيمه=لك عز يارسي ولك قدر وإكرام البحر الاحمر ملح كله أجاجي=مايروي الضميان شرب الهماجي والنيل حلو الطعم فيه ابتهاجي =عذب قليل أخير من ملح لطام وختامها صلو على خير مرسول =محمد المختار بالطيب مجبول أعداد حلو الطعم في غصن محمول =بديت بالرحمن وباسمه ليا اختام |
دايـم مـقـدم فالعـلـوم الكريـمـه
اللـي سوايرهـا سـوايـر سليـمـه لجلك مع ربوعك في وزعـه وشيمـه لك عز يارسـي ولـك قـدر وإكـرام شاعرنا المبدع فواز الزويهري صح لسسسسسانك وبيض الله وجهك ودام عزك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
مـن يامـن الدنيـا تـراهـا تـغـره
ابهـا تعشـى اليـوم ويجـوع بكـره والمنكسـر يمشـي ليـا شـد جبـره واللي بنى بيتـه فـي مسيـال ينـلام كلام جميل صح لسانك وبيض الله وجهك |
صح لسانك ياشاعرنا المبدع فواز الزويهري سلمت ودمت
|
اقتباس:
صح بدنك وسلم غاليك أشكرك على مرورك الطيب لك خالص التقدير |
|
اقتباس:
صح بدنك وسلم غاليك والله يبارك فيك يالنشمي أسعدني مرورك الكريم لك خالص التقدير |
صح السانك وبيض الله وجهك وسلمت ودمت |
اقتباس:
صح بدنك وسلم غاليك والله يبارك فيك لك خالص التقدير |
الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
