حي الجواب اللي لفاني من حمود=دام الوفاء ياصاحبي والغلاء دام
الحمد للي يولج البيض باالسود=أمان وأطمئنان في ضل الأسلام
ابديرتي والوضع عندي فري قود=الله يقدرنا على شكرالأنعام
أشفق على بن اليمن وأزرق العود=ومصاحب أقروم ومناعير وحشام
أقرأ القصيد الجزل بركود بركود=وعيش في جوه تصاوير واحلام
النظم ماله عد.. والشعر معدود=يضمن وصوله خافقك بدع الأقلام
نشتاق للي مثلكم من هل الجود=و نعد خطه لا لفانا حدث هام
بعد قرينا الخط مافيه منقود=من شاعر" دون معانيه بحكام
أن فدت خلق الله فلا تنتظر فود=جميع ماقدمت تلقاه قدام
العبد يجحد والجوارح به شهود=يا قل من صلى شكر لله وصام
أحرص على اللي سمعته ريح كمبود=ماهو بالآخر نافخ الكير لحام
بعض البشر لو جاز لك علة أكبود=سود الليالي تكشفه لاش واخمام
واختامها عفوك ولطفك يامعبود=نهار يلفون الملاء عري الأجسام

[table1="width:85%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px groove limegreen;"]

المشاركة الأصلية كتبت بواسطة عبدالله الفريدي (المشاركة 616379) صح لسانك يابو عبدالله انا اشهد انك قلت قصيدة من عيون الشعر النظم ماله عد والشعر معدود صدقت والله تشرفت بطلاعي على هذه الدرة الثمينة وتقبل مني اجمل تحية

المشاركة الأصلية كتبت بواسطة نافع الحربي (المشاركة 616392) صح لسانك يابو عبدالله وبيض الله وجهك تشرفت بطلاعي على هذه الدرة الثمينة وتقبل مني اجمل تحية

المشاركة الأصلية كتبت بواسطة خالداللهيبي (المشاركة 616399) صح لسانك سعود وبيض الله وجهك والله انت شاعر ومتمكن ولاااملك الا ان اقول صح لسانك وبيض الله وجهك قصيده جزله من شاعر جزل ياسعود