اليوم عودة سيدي عالي الشــان=والعيـد عـاد وحقق الله مناية
وبعودته عم الفرح كل الأوطان=وفاحت به الأزهار مع كل حاية
وروحي مابين الناس فدوه لسلطان=مني لأبو خالد بكامل رضاية
ياسيدي سلطان يا ذرب الأيمان=عودتك سالم للوطن كل غاية
يا مجد نفخر به على مر الأزمان=عالي وعند الشعب ماله نهاية
من سابق الأيام ما هو من الآن=من ساس أبوك أنت بديت البداية
وحكامنا لهل الشرف خير عنوان=من دونهـم حنـا دروع وحماية
اللي على نهج الشريعة و الإيمان=الله هـداهـم في طـريق الهداية
في جالهم ما بات خائف وجوعان=وهـم من رفع للدين والحق راية
وفي عهد أبو متعب ذرا وين ما كان=شعبه في عهده نال حسن الرعاية
مواقفــه يشهــد بهـا كل إنســان=عنـده عن صغار المواقف دراية
عن ما فعل يا رب تجزاه بإحسان=وتكفيه شر أهل الحسد والوشاية
وروحي مابين الناس فدوه لسلطان=مني لأبو خالد بكامل رضاية

المشاركة الأصلية كتبت بواسطة سالم البشري (المشاركة 616111) الله عليك يابومشاري صح الله لسانك وأدام عزك وبيانك ويستاهل أبو خالد الله يشافيه ويعافيه قصيدة رائعة في مبناها ومعناها من شاعرٍ جزلٍ ورائع يتمتع بشاعرية راقية تواجدك في الملتقى ومشاركاتك نتشرف بها شاعرنا الغالي سعدت بمروري واستمتعت بتصفحي تقبل ودي واحترامي وعلى الرحب والسعة