ملتقى قبيلة حرب الرسمي - ( الهوى منّه شكى قيس وجرير ) مساجله

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ( الهوى منّه شكى قيس وجرير ) مساجله (http://www.m-harb.net/vb/showthread.php?t=56229)

( الهوى منّه شكى قيس وجرير ) مساجله

/
/
/
/
/
/
/
/
/
/
/
/
/
يقول اخونا الشاعر/
عابد بن عبيد المدني

ياولد معتوق يانعـم الشويـر=ياعسى قولك يريـح سامعـه
تعبت الاقدام من طول المسير=أتبع المقفين نفسـي طامعـه
لي سنه وشهوروالواقع مرير=في رجا منهو ثمـاره يانعـه
مرني يمشي دلع لابس قصير=عن لباس الغرب محد(ن)مانعه
أحلف إنه فالحلا مالـه نظيـر=الشكر والحمد للـي صانعـه
بعد ماقفـى تغشانـي سعيـر=شب في صدري وناره والعـه
أسألـك بالله عطنـا ياخبيـر=أعطنا بعض الدروس النافعـه
المحبه علمهـا علـم خطيـر=ولايدرس في كراسي جامعـه

اليكم ردي على قصيده عابد بن عبيد المدني

مرحبا تاصلك من صادق ضمير=شاعر ٍ سيرته سيـره لامعـه
خالد ابن عبيد ياللي تستشيـر=سعد عين اللي عيونـه دامعـه
جبت ياعابد لنـا لغـز ٍ كبيـر=بـس لابـدك تحصّـل رامعـه
غرّك الترف المزين بالحريـر=صارت بفتنة فـؤادك بارعـه
ودكم لامـاه ماجاكـم عشيـر=والليالـي للمبـاهـج قامـعـه
وطارد المقفين في وضع ٍ محير=دايما ً في وجد روحـه طالعـه
والهوى منّه شكى قيس وجرير=عادته غلاب محـد ٍ صارعـه
وزبدة الموضوع بالهرج الاخير=طيحة اهل الود طيحـه شانعـه

الشاعر / خالد بن عبيد بن معتوق ألأحمدي

صحت السنتكم ياصقر المراقيب وبارك الله فيك

مرحبا تاصلك من صادق ضميرشاعر ٍ سيرته سيـره لامعـه

كفو وصح لسانك ياخالد نص راقي ومميز جدا
تقبل ودي وتقديري

اخوي / خالد اللهيبي
الف شكر لك
ياسمي

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

وزبدة الموضوع بالهرج الاخير طيحة اهل الود طيحـه شانعـه

اسنادجميل ورد جميل

صح لسانك ياصقر المراقيب


	صحــت السنتكــم دمتم برعاية الله وحفظة

الغالي / سلطان الفريدي
مالنعم فيك وصح بدنك يابن العم

ابو فياض النويمي
الف شكر لك

خالد دغيمان القبع
اشكرك على مرورك ياغالي