الشعر مع من قــدّره يشبه التاج=تاج الملوك اللي عريب(ن)نسبها
وأناولدحرب(ن)على كل فجـّـاج=أعرف موازين الرجال ورتبها
أبوي قال إسمع ترى الدرب منعاج=واحذر دروب الحب واحذر غيبها
قلت الهنوف أم الدلع والتغناج=شبت يابوي النار وأركت حطبها
ومديت له بأرض الوطن كل ديباج =كله لأجل خاطرْها بس ماعجبها
قلت إقلطي فالقلب صكي بمزلاج =والناس ملكك غربها مع عربها
قالت لي شاعر واكثر الناس هراج=قلت أعشقك والنفس هذا طلبها
حني علي والقلب صابه ترى اخلاج=من قسوتك يازين هذا سببها
وأبحرت أنافي سبعة بحور وأمواج=سفينتي مافيه موج(ن) غلبها
لكن موجك سبب لقلبي إحراج=هيا معي يازين قومي نـْـحسبها
القلب وده فيك سبب لي إزعاج=بس الكرامه تقول ياشين سبها
آبترك الخفـّـاق في وسط الأدراج =وبقطع علاقات الغرام وخطبها