نسير بالدنياء والاعمار مشوار = لو هي على العاقل تقادح شراره
حرارة الهرجه على دم الاحرار = ومرارة الحاجه تفج المراره
من لا دمح زلة رفيقه ليا جار = ما هو بكاسب في زمانه صداره
ومن لا شواه الفقر في نار المرار = يبي يموت ولا عرف للتجاره
ومن يطرد المقفي ليا صار ما صار = كنه يسوق الحال يبي دماره
الدار راحه من يبي راحة الدار = قدام ينزل يعرف اطباع جاره
لا شفت لي جاهل مع الناس هذار = صكيت سمعي عنه في كل شاره
واخاوي الطيب على العز والكار = والا الردي ما مر حتى دياره
ونبي نتجمل لو صواديف الآقدار = تهدم عمار وتبني أطول عماره
كلاً يبي الجنه وخايف من النار = والفايز اللي دين ربه شعاره