قابـل =
بالله نـادوا لـي مجـازف=ان كان فالملتقى موجـود
شاعر وحسب الذي شايف=انه من اهل المثل معـدود
مجازف =
جيتك بحرف الغلا عـازف=يامرحبا وضح المقصـود
حرفي وحرفـك ونتكاتـف=باقلامنا والجميـع شهـود
قابـل =
نعرفك وانته لنا عـارف=وافي وفيك الامـل معقـود
يطوف في هاجسي طايـف=هيا اسمعه وابذل المجهود
مجازف =
يافكـر بالمعرفـه نـازف=هات الخبر واسمع المردود
يمكن على ظني يصـادف=ونسعى سوا نطلب المنشود
قابـل =
الفكر يعصف به العاصـف=وكل يوم حاله عليه يـزود
واسبابه الماكـر الزايـف=يبدي وفا والنوايـا سـود
مجازف=
محسوب فيها بـدل تالـف=مادام اصل البنـا مهـدود
اللي على السيئـه وآلـفْ=ماهزتـه هرجـة المنقـود
قابـل=
مسكين بعد العمر شـارف=يسعى ويطرد بدون حـدود
و ربي لراع الخزا كاشـف=لوهوتلبس لبـاس الجـود
مجازف =
منته على ذاك متحاسـف=وخل قلبك صخـر جلمـود
جهز لمثلـه لَغْـم ناسـف=مزروع كله مـن البـارود
قابـل =
ماني من مهابـده خايـف=وسهمي لراع الخطا مشدود
ولاني على مفارقه آسـف=عساه يرحل ماعاد يعـود
مجازف=
هـذاك مـآواه لطـايـف=مجنون ..فيه الامل مفقود
وانته على المنزل النايـف=لاشك بين العرب محسـود

المشاركة الأصلية كتبت بواسطة بخيتان البشري (المشاركة 602445) قابل × مجازف مبدعين اصح الله لسانيكما وادام عزكما

المشاركة الأصلية كتبت بواسطة بندرالبلادي (المشاركة 602449) صحت السنتكم ابداع عمالقه ما فيكم حيله بيض الله وجهيكم اسجل اعجابي لكم احترامي و تقديري

المشاركة الأصلية كتبت بواسطة الحب الباقي (المشاركة 602613) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة قابل البشري (المشاركة 602618) المبدع مجازف 000 مشكور على اعادة هذه المحاورة الشيقة 00 تقبل تحياتي