الا وابكرتي ضاعة عليه مع طلوع النور=غدت واتلا خبرها يوم جابت مثلها حره
صدفها حنشلياً قاضبتله لين مس الكور=وعرضها الجلد من خوف لايلقى لها جره
زهمنا صاحب الناظور وأخلف وجهة الناظور=يقول إن البلا من عاكسات البعد مفتره
وأنا اقول البلاء من جمعه اللي فالبلد دكتور=دواه اللي سمعنا فيه لاضره ولا سره
الا ياكبر شرهاتي على اللي بالوفا له دور=أثر بعض الهقاوي تجرح الرجال وتغره
طويل الباع ماينسَب مهما جات منه قصور=امين انه صحيب ولا فزع معيه ولا مره
صحيح اللي يبي طلع النخل يصبر على الكافور=امورٍ غيبها كبر الجبل وأصغر من الذره
وأنا ماقلتها من شأن ابا أكشف غرت المستور=لكن إخلاصت المعنى لزوم ابعثر الصره