ابن وازن=
سلام مبدا علوم ثقال = من قلب اختل ترتيبه
لولا الهوى مشتكينا الحال = والجرح حزات تليبه
ابوماجد=
يامرحبا وللثقال ارجال = اتوسم الحق وتجيبه
وضح معانيك بالامثال = لجل الدواء نوصفه بطيبه
ابن وازن=
كم لى معه في هوى ميال = وما حب بعد وتغيبه
وتدري المزن فالسماء جوال = اخاف يمطر ويغويبه
ابوماجد=
خلك على نهجكم في اوصال = ودرب الوفا دوم امشيبه
وان كان وده لكم مازال = الغيم ما ظن يسريبه
ابن وازن=
هب الهوى للموده اغتال = غير بناء الود ترتيبه
ما صابني فالهوى زلزال = كل يوم زايد بتعذيبه
ابوماجد=
دام الهوى غير الاحوال = واصبحت تشكي اساليبه
لا عاد توقف على الاطلال = ما دام بانت الاعيبه

المشاركة الأصلية كتبت بواسطة الحب الباقي (المشاركة 601618) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة بخيتان البشري (المشاركة 601761) ماشاء الله على الأبداع واهله اصح الله لسانيكما وادام عزكما وبيض الله وجهيكما

المشاركة الأصلية كتبت بواسطة سعداللهيبي (المشاركة 601768) الله يعطيك العافيه

المشاركة الأصلية كتبت بواسطة همس القوافي (المشاركة 601774) ابو معاذ وابو ماجد اصح الله لسانيكما وادام عزكما وبيض الله وجهيكما

صح لسانك ولسان ابو ماجد
محاوره راااائعه
الله يعطيكم العافيه