ملتقى قبيلة حرب الرسمي - رساله عاجله إلى حرب عامّه والى المراوين خاصّه

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

رساله عاجله إلى حرب عامّه والى المراوين خاصّه

السلام عليكم ورحمة الله وبركاته
وبعد
اعزّائي روّاد هذا الصرح الشامخ اسعد الله اوقاتكم بكل خير
اختياري لعنوان هذا الموضوع ليس للإثاره ولكن رغبتي بأن يراه كل حربي
الكلام كثير ولايوفي من كتبت له هذه القصيده ..
كثير من الشعراء تدفعهم الحاجه لكتابة قصيده واستفزاع الآخرين
وانا هنا لم تدفعني الحاجه ولكن دفعني الوفاء والتعبير عن ماوجدت
من طيب . من رجلٍ بينكم ومن ابنائكم . هذا الرجل لم ينتضر قصيده
او طلب او واسطه لفعل الطيب . بل قدم الطيب من دون مقابل او طلب .
لااطيل عليكم اعزائي فمهما قلت لن اوفيه حقّه . ووالله انكم تحسدون على امثاله .
هذا الرجل هو الرائد .. محمد بن شبيب المرواني الحربي
اليكم القصيدة

بديت بسم الواحد الرحماني=فردٍ صمد ماله شريكٍ ثاني
ربٍ خلقنا من عدم واوجدنا=سبحانه اللي غير وجهه فاني
من بعدها زان القصيد وطرقه=وانقاد هاجوس القصيد وجاني
ودام القريحه جهزت للفكره=ابستمد الجزل حسب إمكاني
والشعر يشبه للمحيط الهادي=يغني ونوبٍ يفقر الرباني
وانا سبحت وغصت لآخر قاعه=واخذت منه اللول والمرجاني
قصيدةٍ مامل من رددها=ومن جزلها تزها بها الالحاني
خصٍ ليامن سقتها للطيب=راع الجميل وسعد عين العاني
اللي تجمل جمل الله حاله=وغديت مديونٍ وهو دياني
ياسعد والله من نصاه بحاجه=انشهد انه يروي الضمياني
هذاك والله دون شك وريبه=واف الخصال محمد المرواني
بن الرجال اهل الشرف والهيبه=عرب المناسب طيب الجداني
من روس قومٍ بالمواقف تخبر=يوم ان ذا مجني وهذا جاني
حرب الحرابه ناطحين الغاره=تاريخهم بيّن ولايخفاني
اهل الكرم واهل النقا والفزعه=وبافعالهم ماتجهل العرباني
مسروح لامن شكلو مع سالم=بان النطيح وضدو العدواني
عزاز فيهم قو باس وهيبه=ولافيه رجل بمدحهم يشناني
وشهادتي ماهي مضيفه حاجه=تشهد فعولٍ باول الازماني
والطيب ورث وورثوه محمد=ياحي ورثن من عزاز الشاني
يابن شبيب الصدق ماينخفّى=وطيبك على نظم القصيد اغراني
وقصيدتي مالي وراها مطلب=ولاني مدور قول صح لساني
هديةٍ قليلةٍ في حقك=وانت اللذي تزهى بك القيفاني
وليا كتبت الشعر باللي مثلك=مافيه قافيه تبي تعصاني
الله يديمك ياعريب المنسب=وابيض وجه يامشرف التيجاني
والله يقدرني لرد الحسنا= ورد الثنا لاهل الوفا يحداني
واختامها طيبك ملكني كلي=انا المدان وحضرتك دياني

وسلامتكم
وتقبلو فائق احترامي وتقديري
تركي النومسي

بيض الله وجهك يالنومسي
ولاعليك زووود

ويستاهل المروواني رجلن غانم وعلمه سابق

وهي عادات رجال حرابة الدول الفزعه .

وانت وافي من ربعن وافين وغنين عن التعريف فصح لسانك ويستاهل من قيلت به القصيده الجزله

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

الشاعر // تركي النومسي
صح لسانك وبيض الله وجهك ...
والرائد محمد بن شبيب يستاهل المدح وانت تستاهل كل علم غانم ولا عليك زود .ونعم فيك وباللابه اللي انت منها ...
تحيتي

صح لسانك اخوي على هالقصيدة الجزلة

لك فائق احترامي

[table1="width:80%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px double limegreen;"]

[table1="width:80%;background-image:url('http://www.alhroob.com/vb/mwaextraedit2/backgrounds/197.gif');border:5px double green;"]

من روس قومٍ بالمواقف تخبر
يوم ان ذا مجني وهـذا جانـي
حرب الحرابه ناطحين الغـاره
تاريخهـم بيّـن ولايخفـانـي
اهل الكرم واهل النقا والفزعـه
وبافعالهم ماتجهـل العربانـي
مسروح لامن شكلو مع سالـم
بان النطيح وضـدو العدوانـي
عزاز فيهم قـو بـاس وهيبـه
ولافيه رجل بمدحهـم يشنانـي

صح لسانك واعتلاء شانك لاهنت ياتركي النومسي ويستاهل محمد بن شبيب المرواني هذه الدره الثمينه منك والطيب فالطيب شرواك مايضيع وهذا هو ديدن الرجال من قبل والان لاهنت اسعدنا تواجدك وانظمامك الي ملتقاك وملتقى كل جزل ووافي واهلا وسهلا وعلى الرحب والسعه يالنومسي

الشاعر // تركي النومسي
صح لسانك وبيض الله وجهك ...
والرائد محمد بن شبيب يستاهل المدح وانت تستاهل كل علم غانم ولا عليك زود .ونعم فيك وباللابه اللي انت منها ...
لاهنت

صح لسانك يانومسي

ويستاهل المرواني

قصيدة جزله

من شاعر جزل لشاعر جزل .

الشاعر تركي النومسي
صح لسانك وبيض الله وجهك ...
والرائد محمد بن شبيب يستاهل المدح وانت تستاهل كل علم غانم ولا عليك زود .ونعم فيك وباللابه اللي انت منها ...
لاهنت