فواز الزويهري =
في حضرة أهل المثل والقيل =أهل الكرم والصفاوية
سلام وافي لكم تكميل =يهل البشوت الحساوية
ماجد أبو مديدة =
راع المثل نعرفه حلحيل =مايجالس ألا الأفندية
ترحيب ومفصله تفصيل=ونوشحه صافي النية
فواز الزويهري=
فنجال كايف مبهر هيل=انقدمه لنقاويه
عسا البقا في ملز الخيل =وأفعال الأبطال مروية
ماجد أبو مديدة =
اللي حضر مايلاقي ميل=يلقى المواجيب رسمية
هات المثل لا يجيه السيل=ويشيل هذي على ذيه
فواز الزويهري=
أنظر معي فالسحاب وخيل = البرق أخلف مناوية
أساهره وارجي التحصيل=ولياه مزن الشقاويه
ماجد أبو مديدة =
يامخايل البرق نص الليل=بين النجوم السماوية
ماهو معقب عذاب ويل=لوما الدواليل مخفية
فواز الزويهري=
بيني وبينه الجدي وسهيل = والأمر خارج من يديه
والصبح يصبح بحط وشيل =وديار الأغراب مرعية
ماجد أبو مديدة=
سويت للمسألة تحليل=بحساب مية على مية
ومالم يكون الصبر قنديل=ماتنقضي للرجاوية

المشاركة الأصلية كتبت بواسطة الحب الباقي (المشاركة 591977) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة وليف الشوق (المشاركة 591979) الاخ القديرفواز الزويهري والاخ العزيزماجد ابومديده صحت السنتكم وبيض الله وجيهكم على هذي المحاوره الرائعه بروعة حضوركم الجميل من بدع وايضا الردالله يعطيكم العافيه تقبل تحياتي وتقديري