ملتقى قبيلة حرب الرسمي - قصيده وجهتها قبل فتره لشاعر خالد الاحمدي ورده عليها

ودي اخذ رأي خالد يـوم بـان ويـوم بنـا=فوق مرقاباً تداعب كل مـن عـده هبوبـه
لأعطانا رأي مقنـع بـارت ظعونـه ظعنـا=وان تعذر عن زميله مايفتش فـي جيوبـه
لي يابن عبيد صاحب غاب تال الوقت عنـا=يا عسى غر المزون تعل دارا ًراح صوبـه
له ثلاث أشهور وربع غادر الغالـي وطنـا=مالقينا من يرد العلـم عـن دار اسكنوبـه
ليت قلبـي ماتعلـق فيـه ملعـون ألمطنـا=لي قلباً من حجر لكـن ذابـه فـي أسلوبـه
أصـدف فيـه اجمعنـا والليالـي فرقـنـا=والمفـارق للهواوي قالـوا العالـم عقوبـه
في محل الورد قابلتـه وطـار العقـل منـا=عنقها عنق الغزال وكـل مافيهـا اعجوبـه
قلت يازين الوصايف فيك همنـا وان فتنـا=ارحم اللي من هواكم ضاق به واسع دروبـه
قال خلـك فـي محلـك لاتـون ولا تزنـا=روح عنا في يميني لابسـه خاتـم خطوبـه
قلت هذا رقمنا يمكن علـى العاشـق تحنـا=عاشقاً من حبكم يمكن يشقق جيـب ثوبـه
بعد عامـا ً كاملـة سمعـت جوالـي يرنـا=لأهو اللي في محـل الـورد قابلنـاه نوبـه
قلت عودت خيـر يلـي باتصالـك ممتحنـا=جرحك اللي خابره يازاهي الخلخـال دوبـه
قال فينا الوقـت بـار وحضنـا فينـا تدنـا=قلت ذنبي قال مدري حط طوبه فوق طوبـه
من جديد ابن العلاقه بس لايـدرون اهلنـا=عن قليلين المروه قلت توبـه ولـف توبـه
ماغدرنا غير واحد ياوسيـع العـرف منـا=لو يحب الراس والرجلين ما نغفـر ذنوبـه
وبتدينا حـب ماحبـه بشـر قبلـي وجنـا=صادقا ًبالحب مانـي مثـل ناسـاً كذبوبـه
من ردات الحض قبل العام يقضي راح عنـا=قال سامحني تراني من وراء الخشم مغصوبه
مادرينـا ويـن راح لشامـنـا ولا يمـنـا=سندو بالزين مدري مـن عذابـي حدروبـه
ياعذابـي ياذهابـي يـوم لاقـام ايتثـنـا=مثل عود الموز لاقـام ايتثنـا مـن هبوبـه
ضامر السرجوف خلاني مثل حـال المجنـا=الله انـه لايسهـل درب ناسـاً سافـروبـه
دوره يالاحمـدي بعـده زميلـك ماتهـنـا=يمكن الفقره يجيها عن سموم وعن رطوبـه
لالقيته عملـت الاصحـاب للاصحـاب ينـا=وان قصر شوف المدور مانبي شخصاً ينوبه
تـم قولـي والليالـي لأعطنـك ماعطـنـا=في شمال الدار جندي وأنت باشه في جنوبه

ياعذاب الشاعر اللـي هاجسـه مايستكنـا=مبدعا ً خطت يدينه للملا روعـة عذوبـه
يامن اسمه سعد ماهو بالجوزيف وباليحنـا=والله انه مسلم ٍ بالوقت ماحصـل طلوبـه
كان ودك راي خالد تاخـذه كيلـو وطنـا=لن خالد لانخيتـه مايقصـر فـي وجوبـه
ماله الا فال خير اللي مـن الكربـه زبنـا=كان صك الوقت بابه صاحبك نفسه رحوبه
حاضر ٍ بالمال والا الجاه كلـه لجـل انـا=من قبيلة حرب ساس ٍ للوفا واصل العروبه
كان عندك ياصحيبي بالجزل مغـرم وفنـا=عندنا عقل ٍ يميز كل شاعـر فـي لعوبـه
باين ٍ قلب المعنـى كنـه بمحمـاس بنـا=من هموم الود نفسه تشتكي حرة غضوبه
خالد بن عبيد وافي ماشـي ٍ معكـم بقنـا=دام خالد في حياته سعد عينـك تبشروبـه
والله انه لو تنحا عن جنابـك فـي فينـا=نتبعه حتى نجيبه نرضي مثلـك بمحبوبـه
راسل ٍ ناس ٍ تبحث خارج الديـره سطنـا=وان عرفنا من يضده يبشر بطحنة حبوبـه
رحت يم بلاد حسني كم من سيـر ٍ دهنـا=من جنوب النيل حتى واصل ٍ بطراف نوبه
وجيت قالوا شعب صالح فتشوا تعز وعدنا=لامشينا برضها ماخبرونـا عـن ركوبـه
ورحت عمان وسوريـا عنهـا ماخبرنـا=ليت ندري يارفيقي ربعهم ويـن اختفوبـه
لو شفنا صاحبك جبنـاه يمـك واعتجلنـا=وكان ماشفناه هذي ياسعد ماهي امكتوبـه
وكان شفت الوقت جاير ثم كشر لك بسنـا=ثلج همك شمس عزمك كل مابانت تذوبـه
كم عين ٍ بالهوى عيـت تغـط وترجهنـا=دمعها مانشفه منديـل ماكفكـف سكوبـه
تحسبن الود لعبه شرطهـا حكـم ٍ وصنـا=ذاك بحر ٍ هاج موجه راحوا اعداه امهزوبه
في دروب الود قبلـك ياسعـد كنـا وكنـا=مالقينا بالهوى غيـر التنكـد والصعوبـه
قبل سرنا في دروبه لكن اليـوم اعتزلنـا=كم شفنا من زراه وكم شفنا مـن نشوبـه
نحمد الله بعد هجره تو ماصحصـح بدنـا=عقب وقت ٍ كان سمه ثابت ٍ باليـد كوبـه
عاذلك بالود مبطي ياسعـد كـان يعذلنـا=بس ضلع طويق ثابت لو مثلـه حذفوبـه
لاتهاب الحسد لونه فيـه غـارات ٍ تشنـا=لن راع الطيب طبعه من يضره جاه حوبه
والله اللي لاطلبتـه ياسعـد حقـق املنـا=يرجع اللي قاطعك يمشي على عالي كعوبه