ابن دحيم =
سلام ياطيبن الفال = ياللي لكم فالمثل معنا
هذا الشتا وللربيع اقبال = الله على الخير يجمعنا
البيرق المنصور =
يامرحبا ياصحيبن قال = الصاحب اللي مطاوعنا
شفنا بدا للربيع اخيال = حنا بنزرع مزارعنا
ابن دحيم =
تبقون ياهل الوفا ابطال = قلته واقوله وتسمعنا
الله يحقق لك الامال = ونحقق اطموح تسعدنا
البيرق =
ليل الشتا ياصقر لوطال = وطول علينا مسافتنا
معاك آخذ ثلاث ليال = لين نعرف نهايتنا
ابن دحيم =
مقصودنا الانس والامثال = ومعكم بلا شك سرتنا
والناس فيها كثير اشكال = ياليت تسكن بحارتنا
البيرق =
ارتاح قلبي معك والبال = ياللي تمنيت جيرتنا
ومافيه مخرج بلا مدخال = لكنك إعلن هديتنا
ابن دحيم =
عسى ليال السعد فقبال = ياللي معزز صداقتنا
والاخذ والمد فعل ارجال = وان جيت تعرف جزيتنا
البيرق =
الجو صافي وعال العال = وسعيد قلبي بصحبتنا
ولوكان تبعد بنا الاميال = في يوم تبشر بشوفتنا
ومانبغى اللي قصار اطوال = ولوانها جات ماجتنا
وختامها ياجويد الخال = صلي على سيد امتنا