موج تصادم بصدري واشعل الهامي = الى طفت نار جوفي هاج واشعلها
صايم عن الشعر والرخصة لها احكامي = صدري لو اصبر تفجر ماتحملها
قبل المواقيت مانوي والبس احرامي = والعجه الاوله ما اركض مع اولها
ما بني هجومي على تخمين واوهامي = المسألة لااشتبهت بحلها اهملها
على الخرايط تبين احقول الألغامي = سلوك الخطر قبل ماطا بأرضها افصلها
اليا بان رأس الهدف يبن له رامي = ذريتن بالحشى مبنى امفاعلها
عبر الفضاء تقودها الشفره بالأرقامي =واليا تساوت على رأسه تنزلها
اللي يسب النبي والدين الأسلأمي= الى اضربت دولته تدفن بها اهلها
انا المحامي عن ديني ما انصب محامي =ماني اعلم الناس لاكن ماني اجهلها
مايهمني بالمواقف كبر الآسامي =الناس بافعالها ترفع منازلها
ورصاصتي ماتثور بداخل حزامي =افجر القنبلة في حضن ناقلها
حنا حروب لنا تاريخنا السامي = حرب الرسالة حضرنا اول مراحلها
الصين سوره رفعنا فوقه اعلامي = وجتنا مفاتيح الأقصى قبل ندخلها
وتاريخنا الجاهلي محفوظ بأختامي = على اجبال الجزيرة نقش بطولها
تشيب من حربنا النطفه بالآرحامي= وتنشف بالأصلاب ماتكمل تحولها
ومع ال سعود نحرب بالصف الأمامي= وحنا اجيال على البيعه انمثلها
الحرب نوعين حر ب اسلاح اعلامى=حرب السلاح العراق اشعوبها اكلها
وحرب الأعلام ابتدأت مع صنع الأقلامي==كم حرفت من كتب عن قول منزلها
الا آخر رساله المرسل لها حامي =في حفظها الله تعهد مثل ما انزلها
صحح ماحرف بها الكهان الأقزامي =وعدل بها كتبه الأولى وبدلها
وقال انها للرسالات آخر ختامي = وآخر رسل للبشر معه لنا ارسلها