سعود المحجان

سلام والمعني على الشعار والشاعر حضر=اقولها واللي عقد روس الحبال يقولها
احدن يوردك الغنا وحدن يوردك الفقر==ياللي تعن اخيولها بالله عنً خيولها

فهد عواضه

يامرحبابك ياهلا واخذ الكلام المعتبر=والقرم لامن قالله كلمه ترا يطولها
احدن رزقه الله درر واحد حرمه الله درر=تقولها واقولها واقولها وتقولها

سعود المحجان

دام البقا ياشاعرن من حرب له عز وفخر=انته وانا ياصاحبي والناس حسب اعقولها
انته سعودي يافهد والمري من دوحة قطر=عيني على نجم الجدي وسهيل جاء من حولها

فهد عواضه

بكل دار وكل قوم ابهم مفتح مع عور=هذا الكلام اللي يناسب للعرب بوصولها
سليت سيفك بس مدري من قصدته بالقشر=جيتك وبشر نون عينك يافتي بكحولها

سعود المحجان

يالمخلفي وشهقوتك لاااااادقت الساعه صفر=حرب البسوس اتهولك ولا عساك اتهولها
انته تسوق البنتلي ولا تسوقون الشفر=احترت انا يالمخلفي في شكلها مع زولها

فهد عواضه

حرب النشاما كان ثار الملح والموت الحمر=ضري ولدهم للمعارك ياجودي يصولها
اسوق لك يالعازمي زندن يوديك الخطر=لامن قبس روحك بفرع الارض تاخذ طولها

سعود المحجان

لله درك يافهد الحين اعلمك الشعر==نفسك شقيه يافهد وشهولها وشهولها
ياللي تصيد البارحه في رمحكم مية نمر==مدري كليت امن النمر دارت سنه وفصولها

فهد عواضه

العرف لهل المعرفه يازيد مدري ياعمر=وليت الفقارا تقتصد ماتكسبه بحثولها
الحمدلله سالك درب العدل واقدح سطر=والطيبه ياطير شلوى ينعرف مدهولها