سالم العرم=
رغم ارتباطاتي وكثر انشغالي يابن الاجواد =سجلت من خاطرك يالذيب في درع الجزيره
والحين ابا الاعبك لكن كبر ساحة الماد =ولا تلتفت من يكسب الاوله والا الاخيره
محمد العجي=
ماهو عليك الطيب مستغربٍ ياذخر الاجداد=والذيب غير الذيب ما يلتفتله في مسيره
عساك للقوه وللجو والا البر صياد=من خلقتي ياولد عمي معي عينٍ بصيره
سالم العرم=
الله يعز اللي لهم بالمعرفه نطع وشداد =اللي نجيهم لادعونا على عرف وبصيره
العام شفت خيال خيل بلا بارق ورعاد =خلته على ايمن خطنا اللي يوديك العميره
محمد العجي=
لو ما انت غالي عند ربعك ماتلقى عنك نشاد=لكن راع الطيب يبقا معه في كل سيره
اخيالك اللي تذكره مجتمع من غير ميعاد=واليوم راح اتخيل لك مزنةٍ في كل ديره
سالم العرم=
دفوه لارض المعركة قالوا انته طارق زياد = وتبا الصراحة مامعه لا سلاح ولا ذخيره
زنادي اللي راح للحين ماجاء مثله زناد= لو صفق الجمهور يوم اطربه شاعر سميره
محمد العجي=
الحظ مع بعض المخاليق مايحتاج منقاد=البر مانجهل ببحره ولا نجهل غديره
وشلون يابو زيد مايعجبك فعل ابن شداد=عزالله اني بالمواقيف ما دورت غيره
سالم العرم=
نصحتهم لله قالو لي انت رجل حساد=واللي قهرني طحنهم بالرحاة المستديره
انا اتكلم في عبادن وراء البصره وبغداد =والا رفيقك ماالحقه شك في حضرت بعيره
محمد العجي=
لا تجهدن حالك وراء ناس ما تستاهل اجهاد=لابد من يومن ويندم صغيره مع كبيره
مكيالنا اللي نعرفه مانقص مره ولا زاد=مير الحميه ادوارها دايم ادوارن خطيره