|
اعانق خيالك شوق
اعانق خيالك شوق واشتاق لمحياك=لك القلب كله شوق يامنتهى احلامي طراة الحياة ولذة العمر في لقياك=عسى الله يديمك لي مادامت ايامي انا يوم اغيب استثقل الوقت واتمنّاك=تمر الدقائق يوم وايامي اعوامي تغيب ويغيب الإنس والحس والإدراك=ولا استحضر إلا دمعة العين واقلامي تقول الهواجيس إنس! وشلون كيف انساك؟=انا كيف ابا انسى بارد الماء وانا ظامي شربت المحبة واتنفس غلا واهواك=تهب الصبا واشتاق مع عذب الانسامي ازورك بجنح الليل واسكن معاك هناك=ولاعندي الاشبه صورة وهندامي متى..ياعذابي من متى..كم لي اترجاك.=متى ألبس ثياب العيد وافطر من صيامي؟ |
رائع رائع يا عبدالله الفريدي
تغيب ويغيب الإنـس والحـس والإدراك ولا استحضر إلا دمعة العيـن واقلامـي الله عليك في الفكره الرائعه والعذبه صح السانك يا عبدالله وتستاهل الاشاده على هذه القصيده الجميله |
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
يكفيني فخر ان أول من صافح هذه الابيات المتواضعة الشاعر خالد الحصني صح بدنك ياخالد وإشادتك وسام على صدري لاهنت لاهنت وبيض الله وجهك |
اقتباس:
صح بدنك يافهد وسلمت من كل شر الله يحفظك بعينه اللي ماتنام |
اقتباس:
حبــــــــــــــــــنا الباقي صح بدنك مليون على الحضور والمرور المشرف والله يـعـطـيـك الـعـافيـــــــــــة بيض الله وجهك أشكرك على تواجدك الدائم ايها القلب النابض في المنتدى واسمح لي بسرقة الديزاين حقك |
صح لسانك على هالرائعه
|
الاخ عبدالله الفريدي الله يبيض وجهك قصيده قمه من شاعر متمكن
له بصمته الواضحه بالملتقي تحياتي وتقديري يالغالي |
عبد الله الفريدي صح لسانك وبيض الله وجهك مع قلة الأبيات إلا إنها مكتملة معنى وجزالة وتمنيت ان تكون ابياتها اكثر ولكن ثمانية ابيات وفت وكفت شاعر جزل ياعبدالله |
الساعة الآن 11:15 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
