أبـــــــــن وازن =
أبحرت في مركب احلامـي = انا وخيالي معـا الاشـواق
يـقـودنـا ود قـدامــي = فجا رسخ مركب العشـاق
هــزيــم الــرعــد =
جيش الهواجيس لك رامي = تجني على الخاطر الخفّاق
وش رسّخ المركب السامي = افيدنـي إيهـا المشـتـاق
أبـــــــــن وازن =
الشوق في ودهـم هامـي = وقلبي ارتقي قمـة الافـاق
من بعدهم عادلـي ظامـي = قلبي التهب بشوقي الاحراق
هــزيــم الــرعــد =
أشوف بحر الهوى طامـي = واصبحت في بحره البـرّاق
من ما بكم بردت عظامـي = وآنا اشهد ان التنائي شاق
أبـــــــــن وازن =
أتجمد الـود مـن عامـي = ونار الهجر تشتعل بفـراق
بعد انطفة شعلـة ايامـي = تعود شمسي على الاشراق
هــزيــم الــرعــد =
أو اه من جرحـك الدامـي = ضايق وقلبي معاكم ضـاق
لا تعيش ما بين اوهامـي = الود بيـن القلـوب وفـاق

المشاركة الأصلية كتبت بواسطة ابو عادل (المشاركة 573827) صح لسانك ابن وازن وصح لسان هزيم الرعد رائع ماسطرت من بدع ورد في غاية الجمال والأبداع تسلم ياغالي والله يعطيك العافيه لك كل التقدير

المشاركة الأصلية كتبت بواسطة وليف الشوق (المشاركة 573831) الاخ القدير ابن وازن والاخ العزيزهزيم الرعد صحت السنتكم وبيض الله وجيهكم واعتلا شانكم رائع ماسطرت من بدع ورد في غاية الجمال والأبداع الله يعطيكم الصحه العافيه تقبل تحياتي والتقدير

المشاركة الأصلية كتبت بواسطة الحب الباقي (المشاركة 574342) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة عبدالعزيز الزويهري (المشاركة 574703) سلمت اخوي ابن وازن على هذا النقل و صح لسانك و لسان هزيم الرعد و بيض الله وجيهكم لحن راقي و جميل و الله يعطيكم العافية