الله اكبر ياصباح الصفحة المنشورة =ياطماعة قرصنة سفن البحر والغاوي
كنها بنت الزعيم اللي يقود الثورة =يوم تحرير الوطن تلعب على الشرقاوي
ياقيادة جيش قوم يوم كز اسبورة =بشروه بخيل قوم(ن) بالحديد تلاوي
مثل حزب الله جاب الحرب( للسنيورة) =لادحر جيش اليهود ولاسلم هنداوي
جاء يصور للحقيقه ورسلوله صورة =مابقاله من حياته غير جوع طاوي
ماحسب غدر الزمان ولاتوقع جوره =لين جاه العلم واضح (مقتل الزرقاوي)
قلت بسلك درب بيين سنة ماثورة =يعتمدها راعي الحكمة بها مايراوي
كل راعي كور يجلس لايتعدى كورة =ودي افحص بالمعامل دقة المهراوي
اعجبتني كنها في صفها البلدورة =ماتخالف نص ملي رصفها متساوي
ماتقارن بالشبور الاخمس المبتورة =كان راعيها قبل مد الكريمة ناوي
ماتمرر في نحانا كلمة مجبورة =وإلا تدري يارفيقي... جعلها بالهاوي
ياظلال الدوحة اللي بالبلد معمورة = لاتفرق في ثمرها دام فيها تاوي
كل صقار يقرنس بالمقيض اصقورة =لجل لاهب البراد يخاوي النداوي
يوم مصلح شب ناره قلت من ذا نوره=قالو ان مصلح شعقها قلت بالحراوي
محري بالخير يابو زيد كل اعصوره =بيت عز(ن) بالمعزة مايعيش فداوي
بعد هذا يابو موسى سمها (الاسطورة )=لانها حقا تنقه كل راس (ن) خاوي